Read cisena MASALIMO 26 Bible Online

MASALIMO 26 - cisena bible

MASALIMO 26

¹Kupemphera kwa Davite. MBUYA, ndiyeseni munthu okhonda dawa, thangwi ndimbachita pyakulungama; MBUYA ndimbakunyindirani monsene mwene.

²MBUYA, ndioneseseni mwadidi, pontho ndiyeseni; tongani pikhumbo na manyerezero anga.

³Kundifuna kwanu kokhonda mala kuli pamaso panga; kukhulupirika kwanu kumbandiphata nsenji ndzidzi onsene.[17]

⁴Ine nkhabe phatizana na anthu akusowa basa tayu; ine nkhabe basa na mfaka-fakazi tayu.

⁵Ndimbazondana nayo gulu ya anthu akuipa, pontho ndimbaathunda anthu akudawika.

⁶MBUYA, ine ndasamba m'manja kuonesa kukhonda dawa kwanga, pontho ndikwenda kakupembedzani kuzungulira guwanu yansembe.

⁷Ndimbaimba nyimbo zakupereka nazo takhuta, pontho ndimbalonga pya mabasanu onsene akudodomesa.

⁸Ndimbaifuna pyakwanga Nyumba imbakhala imwe, MBUYA; mbuto imbakhala demelero yanu ile.

⁹Lekani kundivunga pabodzi pene na anyakudawa, penu kundipha pabodzi na mapanga,

¹⁰anthu ale ambachita pyakuipa ndzidzi onsene, pontho ndzidzi onsene ngakufuna pyakudyekerwa.

¹¹Kulonga pya ine ndimbachita pinthu pyakulungama; ndiverenimbo nsisi mbamundiombole.

¹²Ine ndapulumuka kupinthu pyakugoswa pyonsene; m'magulu a anthu ache ndimbakuza MBUYA.