Read cisena MASALIMO 28 Bible Online

MASALIMO 28 - cisena bible

MASALIMO 28

¹Salimo ya Davite. MBUYA, Phanzwi yanga, ndikuchemera imwepo, Vani kulira kwangaku! Ngakhala munanditawira tayu, ndinakakhala pyanga pakati pa anthu, ale adenda ku Chiphompho chikulu.

²Ndiverenimbo ine ndingakulirirani kufuna chiphedzo, ndingakwiza manjanga kuyang'anisa kumbuto yanu yakuchenesesa.

³Ndileke khala wakukonwa pamaso panu pabodzi na anthu akudawika, pabodzi na anthu akuchita pyakuipa, anthu ale akuti mafalawo ngaushamwali, kwache mitimawo njakuipirwa.

⁴Atchunyuseni thangwi ya pinthu pyachita iwo, thangwi ya pyakuipa pyachita iwo. Atchunyuseni thangwi ya mabasawo onsene; apaseni pyakuathemera.

⁵Iwo nkhabe ikha konta pyachita MBUYA tayu, penu pyasasanya iye na manjache; natenepo anaatchunyusa mbaavunga onsene kwenda na kwenda.

⁶Mbakuzwe, MBUYA; thangwi ava kulira kwanga kufuna chiphedzo.

⁷MBUYA ndi mphamvu zanga, pontho chakugedera nacho matswimo changa; ine ndimbanyindira iye. Iye ambandiphedza, pontho mtimanga umbanumpha-numpha thangwi ya komerwa. Ndimbamkuza na nyimbo zakukomerwa.

⁸MBUYA ambatchinjiriza anthu ache; iye ndi mpanda wamphamvu wakupulumusa mfumu asankhula iye ule.

⁹Pulumusani anthu anu, pontho mutsanzayise anthu ale nganu. Khalani makabuswawo, pontho akoyeni mwadidi kwenda na kwenda.