Read cisena MASALIMO 29 Bible Online

MASALIMO 29 - cisena bible

MASALIMO 29

¹Salimo ya Davite. Kuzani MBUYA imwe pyakulengwa pyakudzulu; kuzani demelero ya MBUYA na mphamvu zache.

²Kuzani demelero ya dzina ya MBUYA; mulambireni Nyakuchenayo ndzidzi unaonekera iye.[19]

³Fala ya MBUYA ikuveka pabara; Mulungu wademelero akudima, pontho fala ya MBUYA imbatayirira pabara.

⁴Fala ya MBUYA ikuveka na mphamvu zache zonsene; fala ya MBUYA ikuveka chifumu.

⁵Fala ya MBUYA ikung'amba miti yamkungudza, podi na miti ene yamkungudza ya ku Lebanoni.

⁶Iye ambachitisa phiri ya Lebanoni kunumpha-numpha ninga mwanamphulu, pontho ambachitisa phiri ya Herimoni kunumpha-numpha ninga mwanamphulu wamamuna.

⁷Fala ya MBUYA imbachitisa ching'ani-ng'ani kuchetuma.

⁸Fala ya MBUYA imbachitisa thando yatchetcha kutekenyeka; MBUYA ambatekenya thando yatchetcha ya Kadeshi.

⁹Fala ya MBUYA imbabalisa nyama zikazi,[20] pontho imbapuluza masamba a m'miti, uku anthu onsene m'Nyumba mwache ambakhuwa mbati, “Demelero kuna Mulungu!”

¹⁰MBUYA ambatonga podi na pa madzi makulu; MBUYA ambatonga ninga mfumu kwenda na kwenda.

¹¹MBUYA ambapereka mphamvu kuna anthu ache; MBUYA ambaatsanzayisa na mtendere.