Read cisena MASALIMO 32 Bible Online

MASALIMO 32 - cisena bible

MASALIMO 32

¹Ndakatulo ya Davite. Ngakutsanzaya anyakulekererwa umambalawo, ale pyakudawa pyawo pyafudzwa.

²Ngwakutsanzaya munthu ule pyakudawa pyache MBUYA nkhabe kupiikha konta tayu, pontho ule ambakhonda kulonga pinthu pyakunama.

³Pikhadakhonda ine kutawira pyakudawa pyanga, magogodo anga adagogobodokeratu thangwi ya kulira nsiku yonsene.

⁴Mosiku na masikati mukhanditchunyusa; mphamvu zanga zidamaliratu ninga mumbaumira ntota na kupisa kwa dzuwa ya malimwe.

⁵Tenepo ndidatawira pyakudawa pyanga kuna imwe, pontho nee ndidabisa pyakudawa pyanga tayu. Ndidanyerezera kuti nditawire umambalanga kuna imwe, pontho mudafudza mangawa a pyakudawa pyanga.

⁶Natenepo anthu anu akukhulupirika onsene athema kupemphera kuna imwe pandzidzi wa nyatwa;[22] madzi makulu akukuka angadza kuthamangira m'bwalo, iwo nkhabe dzandifikira tayu.

⁷Imwe ndimwe mbuto yanga yakubisalirapo; munati mundipulumuse panyatwa. Ndimbaimba mwakugaluza fala pya chipulumuso chanu, thangwi mumbanditchinjiriza.

⁸MBUYA akulonga kuti, “Ndinakufunzisa njira yadidi kuti ufambemo; ndinati ndikupangize maphatiro ache, pontho ndinati ndikuikhe maso.

⁹Lekani khala akupupwa ninga kavalo, penu bulu, ule nkhabe vesesa tayu, mbwenye athema kupangwa na chisimbi kumulomo kwache chakumangirirwa na nkhambala kumchitisa kuvera.”

¹⁰Anyakudawa anati asanyike, mbwenye ale ambanyindira MBUYA ngakutchinjirizwa na kufuna kwache kokhonda mala.

¹¹Imwe anyakulungama, komerwani pontho sekerani, thangwi ya pinthu pyachita MBUYA. Imwe anthu akumvera khuwani na kukomerwa!