Read cisena MASALIMO 42 Bible Online

MASALIMO 42 - cisena bible

MASALIMO 42

¹Kuna nyakutchemula nyimbo. Ndakatulo ya nkhonda Kora. Ninga mumbafunira nyasa madzi akutonthola a mumkulo, inembo ndikufuna imwe Mulungu.

²Ndina nyota ya imwe Mulungu wamoyo; ndinaenda lini kakupembedzani pamaso panu?

³Mosiku na masikati ndimbalira, misozi ndiye kudya kwanga; ndzidzi onsene anyamalwanga ambandivunza mbati, “Apo Mulungu wako ali kupi?”

⁴Ndimbasweka mtima ndingakumbuka pya m'nduli, pikhaenda ine pabodzi na mwinji ku Nyumba ya Mulungu, pontho pikhatsogolera ine pikhafamba iwo, mwinji wakukomerwa, kuimba na kukhuwa kukuza Mulungu.

⁵Ndatani ndinatsukwala? Thangwi yache ninji ndinasanyiswa tenepa? Ndinaikha chidikhiro changa pana Mulungu; ndinati ndimkuze pontho, Nyankhombo wanga pontho Mulungu wanga.

⁶Kuno m'dziko ya unyaperezo inakhala ineyi mtimanga wasweka, natenepo ndaikha manyerezero anga onsene pana iye. Iye atumiza kuna moyo wanga mabimbi akutsukwala; kuzunguzika kudadza pana ine ninga kukuka kwa madzi, ninga kutitima kwa madzi kubulukira pa phiri ya Herimoni na Mizara kwenda mumkulo wa Yorodani.

⁸MBUYA mbaonese kundifuna kwache kokhonda mala na masikati, towera na mosiku ndiimbe nyimbo, kupemphera kuna Mulungu wa moyo wanga.

⁹Kuna Mulungu, Phanzwi yanga, ndinalonga kuti, “Thangwi yache ninji mwandiduwalira? Thangwi yache ninji ndathema kuthimiza kuona nyatwa kubulukira kuna vinga ya anyamalwanga?”

¹⁰Ine ndapeyiwa na kunditikana kwawo, pinathimiza iwo kundivunza mbati, “Apo, Mulungu wako ali kupi?”

¹¹Thangwi yache ninji ndinatsukwala? Thangwi yache ninji ndinasanyika pikulu pene tenepa? Ndinati ndiikhe chidikhiro changa pana Mulungu, tenepo ndinati ndimkuze pontho, Nyankhombo wanga pontho Mulungu wanga.