Read cisena MASALIMO 46 Bible Online

MASALIMO 46 - cisena bible

MASALIMO 46

¹Kuna nyakutchemula nyimbo. Nyimbo ya nkhonda Kora. Nyimbo yakuimbwa na amiyali. Mulungu ndiye pakubisala pathu, pontho mphamvu zathu; iye ngwakusasanyika kutiphedza pandzidzi wa nyatwa.

²Natenepo ife nkhabe dzagopa tayu, podi kwene kuti dziko yapansi itekenyeke, pontho mapiri agwere m'bara yakuzwika;

³podi kwene kuti nyanza ititime na kuchita mabimbi, pontho pitunda kutekenyeka na shungu yache.

⁴Pana mkulo wakudzesa kukomerwa kuna mzinda wa Mulungu, kumbuto yakuchena kumbakhala Nyakudzulu-dzulu.

⁵Mulungu ali mumzinda wenewo, tenepo mzindawo nkhabeve dzavungwa tayu; m'makalakwecha iye anati adze kudzauphedza.

⁶Madzinza akuchita mantha, maufumumbo akutekenyeka; Mulungu akudima, tenepo dziko yapansi ikunyunguluka.

⁷MBUYA Wamphamvu zonsene ali nafe; Mulungu wa Yakobo ndiye pakubisala pathu.

⁸Bwerani muone pyachita MBUYA. Yang'anani pinthu pyakudodomesa pyachita iye padziko yapansi.

⁹Iye ambalekesa nkhondo padziko yonsene; mauta onsene ambaatchola mbavunga madipa, pontho ambapisa pyakugedera matswimo pyawo.

¹⁰Iye ambalonga kuti, “Matamani, pontho dziwani kuti ine ndine Mulungu; ndinakuzwa pakati pa madzinza, ndinakuzwa m'dziko yonsene yapansi.”

¹¹MBUYA Wamphamvu zonsene ali nafe; Mulungu wa Yakobo ndiye pakubisala pathu.