Read cisena MASALIMO 48 Bible Online

MASALIMO 48 - cisena bible

MASALIMO 48

¹Salimo ya nkhonda Kora; nyimbo. MBUYA ngwamkulu, pontho athema kukuzwa pikulu pene mumzinda wa Mulungu athu, paphiri yache yakupambulika.[33]

²Zioni, phiri ya Mulungu njakulapha pontho njakubalika; mzinda wa mfumu wamkulu umbadzesa kukomerwa dziko yonsene yapansi.

³Mulungu apionesa kuti ndiye nyakutchinjiriza mzinda, thangwi iye ene ambakhala mwenemo.

⁴Mafumu adagumanyikana pabodzi mbadza dzasosa phiri ya Zioni.

⁵Mbwenye pidaiona iwo, adadodoma; iwo adachita mantha mbathawa.

⁶Kweneko iwo adaphatwa na mantha mbava kupha, ninga mkazi wakufuna kubala,

⁷ninga mphepo yakubulukira kumabulukiro dzuwa imbaswa miyadiya mikulu-mikulu ya ku Tarisisi, imwe mudaavunga.

⁸Ife tava pinthu pyachita Mulungu, pontho chinchino tapiona mumzinda wa Mulungu wathu, MBUYA Wamphamvu zonsene; iye anakhazikisa mzindawo kwenda na kwenda.

⁹M'bwalo mwa Nyumbanu, Mulungu, timbanyerezera pyakwanga pya kutifuna kwanu kokhonda mala.

¹⁰Imwe mukukuzwa na anthu konsene kwene, pontho kuveka kwanu kwafalikira kumadolomero a dziko yapansi. Imwe mumbatonga mwachilungamo;

¹¹mbasekere anthu a ku Zioni! Imwe mumbatonga mseru mwakulungama; mbamukhale kusekera m'mizinda ya Yuda!

¹²Anthu a Mulungu fambani kuzungulira Zioni kulengesa nsanja zache;

¹³yang'anani mafufu ache, pontho yang'anani mwadidi mipandache, towera mulonge kuna mfendu unango unadzawo kuti,

¹⁴“Mulungu weneyu ndi Mulungu wathu kwenda na kwenda; iye anatitsogolera ndzidzi onsene unadzawu.”