Read cisena MASALIMO 5 Bible Online

MASALIMO 5 - cisena bible

MASALIMO 5

¹Kuna nyakutchemula nyimbo. Kuimbwa na pitoliro. Salimo ya Davite. Ndiverenimbo, MBUYA, pinalonga inepi, pontho onani kusanyika m'manyerezero kunachita ineku.

²Vani kulira kwanga kufuna kuphedzwa, Mulungu wanga, pontho mfumu wanga! Ndikupemphera kuna imwe, MBUYA;

³imwe mumbava falanga na machibese; dzuwa ingabuluka ndimbapemphera[3] mbandidikhira kuti imwe munditawire.

⁴Imwe si Mulungu wakukomerwa na pyakudawika tayu; imwe nkhabe tawira chinthu chakuipa pamaso panu tayu.

⁵Anthu akudungudza nkhabe dzaimira pamaso panu tayu; imwe mumbazonda anthu akudawika onsene.

⁶Imwe mumbavunga anyakunama onsene; nyakuchita upandu na nyakunyengeza anzache, MBUYA mumbanyansirwa naye.

⁷Mbwenye thangwi ya kundifuna kwanu kokhonda mala ndinakwanisa kupita m'Nyumba mwanu; ndinakwanisa kupembedza m'Nyumba mwanu yakuchena, pontho kulamba kuna imwe mwakukugopani.

⁸MBUYA, anyamalwanga ngazinji! Nditsogolereni kuchita pinafuna imwe; sasanyani njiranu kuti ikhale yakuoneka, towera ndifambemo.

⁹Pinalonga anyamalwanga, ine nkhabe kupinyindira tayu; chinafuna iwo nkhuvunga kwene basi. Mafalawo ngadidi pontho akukoma kuava, kwache iwo ngakudzala na manyerezero akupha.

¹⁰Mulungu, iwo akonwe pamaso panu, pontho muatchunyuse; pinanyerezera iwopyo kundichitira piachitise kuvungika. Abuluseni pamaso panu thangwi ya pyakudawa pyawo pizinji, pontho na kukupandukirani kwachita iwo.

¹¹Mbwenye onsene anabisala muna imwe ale, anakomerwa; ndzidzi onsene anakwanisa kuimba thangwi ya kukomerwako. Atchinjirizeni anthu ambakufunani ale; thangwi ya imwepo, iwo akomerwadi pikulu.

¹²Imwe MBUYA mumbatsanzayisa anyakukuverani; kuafuna kwanu kumbaatchinjiriza ninga chakugedera matswimo.