Read cisena MASALIMO 53 Bible Online

MASALIMO 53 - cisena bible

MASALIMO 53

¹Kuna nyakutchemula nyimbo. Malingana na nyimbo yautenda. Ndakatulo ya Davite. Mapupwe ambalonga mumtima mwawo kuti, “Kunja kuno nkhabeko Mulungu.” Onsene manyerezero awo amala vungika, pontho achita pinthu pyakuipa pyakugoswa; nkhabe na mbodzi ene ambachita pinthu pyakulungama tayu.

²Mulungu ambayang'ana pansi pana anthu kubulukira kudzulu kuti aone ngakhala pana munthu ene mbodzi wanzeru, munthu ene mbodzi wakusaka-saka Mulungu.

³Mbwenye onsene amala bauka kwenda pyawo m'tsanga; onsene ntchibodzi-bodzi ngakuipa. Nkhabe mbodzi ambachita pinthu pyakulungama, nee na mbodzi ene nkhabe.

⁴Mulungu akuvunza mbati, “Kadi iwo nkhabe dziwa tayu? Kadi onsene anaphata pyakuipawa nkhabe dziwa pinthu tayu? Iwo ambakhala na moyo thangwi ya kubera anthu anga, pontho iwo nkhabe pinthu na kupemphera kuna ine tayu.”

⁵Mbwenye iwo anati athuswe pikulu pene, podi chipo adzati khala tenepo thangwi Mulungu anati amwaze magogodo a anyakuchitira umalwa anthu ache. Mulungu aakhonda anthu enewa natenepo iwo anati akundwe monsene mwene.

⁶Ndimbapemphera pikulu pene kuti chipulumuso cha Israele chibulukire ku Zioni. Anthu a ku Israele anakomerwa pyakwanga, Mulungu anachitisa pontho pinthu pyawo kufamba mwadidi.