Read cisena MASALIMO 54 Bible Online

MASALIMO 54 - cisena bible

MASALIMO 54

¹Kuna nyakutchemula nyimbo. Kuimbwa na nyakatangale. Ndakatulo ya Davite, pidenda amuna akubulukira ku Zifi kuna Sauli kampanga kuti Davite akhabisala m'nthemba mwawo. Mulungu, ndipulumuseni na mphamvu zanu; ndichitiseni kukhala mtumbe na mphamvu zanu zikulu.

²Vani kupempha kwanga, Mulungu, vani mafalanga.

³Anyakudungudza akudza kuti andiphate; anyakukala mtima akuyesa-yesa kuti andiphe, anthu ache mbale ambakhonda tsalakana pya Mulungu.

⁴Mbwenye Mulungu ndiye nyakundiphedza. Mbuya ndiye nyakundiphata pamkono.

⁵Mulungu mbaphatise basa pyakuipa pyawo pyonthopyo kutchunyusa napyo anyamalawanga. Iye anati aavunge thangwi iye ngwakukhulupirika.

⁶Mwakukomerwa ndinati ndipereke nsembe kuna imwe, MBUYA; ndinati ndipereke takhuta thangwi ndimwe wadidi.

⁷Imwe mwandipulumusa panyatwa zanga zonsene. Ndaona anyamalwanga kuti akukundwa.