Read cisena MASALIMO 56 Bible Online

MASALIMO 56 - cisena bible

MASALIMO 56

¹Kuna nyakutchemula nyimbo. Malingana na nyimbo yakuti: “Jiwa pana miti yamthundu yakutali.” Salimo ya Davite, pidamphata Afilisti mu Gati. Ndiverenimbo nsisi ine, Mulungu, thangwi anyamalwa andiphata; iwo akundiboneresa ndzidzi onsene.

²Nsiku yonsene anyakundipokanya ambandisosa; anamenyana na ine ngazinji.

³Ndingachita mantha, ndimbanyindira imwepo.

⁴Ndimbanyindira Mulungu, tenepo ine nkhabe dzachita mantha tayu; ndimbamkuza thangwi ya kudumbira kwache. Munthu enembo pyache anandichitanji?

⁵Anyamalwanga ambandidzesera nyatwa nsiku yonsene; iwo ambasaka-saka njira yakundikuwaza nayo.

⁶Iwo ambagumanyikana mbuto zakubisika kuyang'ana pyonsene pinachita ine, kudikhira kuti andiphe.

⁷Atchunyuseni[39] Mulungu, thangwi ya pyakuipa pyawo; akundeni anthu enewa na kuzhangali kwanu.

⁸Imwe mukudziwa kusanyika kunachita ineku; imwe mwakoya misozi yanga m'dudu mwanu. Ayi m'bukhu mwanu pyalembwa tayu?

⁹Nsiku inakuchemerani ineyo, anyamalwanga anabwerera m'nduli. Ndikupidziwa kuti Mulungu[40] ali kukhundu kwanga,

¹⁰Mulungu, ule ambakuza ine thangwi ya kudumbira kwache; MBUYA, ule ndimbamkuza thangwi ya kudumbira kudachita iye.

¹¹Ndimbanyindira iye ene basi, tenepo ine nkhabe gopa tayu. Munthu enembo pyache anandichitanji?

¹²Mulungu, ndinapereka pidadumbira ine kuna imwe pile. Ndinapereka nsembe zanga kuonesa kupereka kwanga takhuta kuna imwe,

¹³thangwi mwandipulumusa kuimfa, pontho mudandichitisa kuti ndileke kugwegweduka. Natenepo ndimbafamba pamaso pa Mulungu, m'cheza chimbamwinikira iye anthu amoyo chile.