Read cisena MASALIMO 60 Bible Online

MASALIMO 60 - cisena bible

MASALIMO 60

¹Kuna nyakutchemula nyimbo. Malingana na nyimbo yakuti: “Maluwa a m'madzi a Chiverano.” Salimo ya Davite, yakufunzisa nayo anthu pandzidzi udamenya iye nkhondo na Aaramu kubulukira ku Naharaimu pontho na Zoba. Tenepo Yoabu adabwerera mbapha anthu a Chiedomu pikwi khumi na piwiri m'phedi ya Munyu. Mulungu mwatikhonda, mwativunga pontho mwatizhangalira, mbwenye chinchino bwererani dzatipasa pontho mphamvu.[42]

²Imwe mwaitekenya dziko, pontho mwaing'amba; sasanyani minyanjacheyo, thangwi ikudidimuka.

³Anthu anu mwaaonesa nyatwa zikulu; tikudzedzereka khala ninga taledzera.

⁴Mbwenye mwaacheuza anyakukugopani, towera athawe kuvungikako.

⁵Tipulumuseni na mphamvu zanu zikulu; vani kupemphera kwathu, towera anthu anafuna imwe apulumuke.

⁶Kubulukira kumbuto yache yakuchena[43] Mulungu alonga mbati, “thangwi ya kukunda kwanga ndinagawa Shekemu, pontho ndinagawa phedi ya Sukoti kuna anthu anga.

⁷Gileadi na Manase ene nganga; Eferemu ndiye chipewu changa chachisimbi, pontho Yuda ndiye ndodo yanga yachifumu.

⁸Mbwenye ndinaphatisa basa Moabu ninga bitchu kutsuka manyalo anga, pontho ndinaponya nkhwaira zanga pana Edomu kuonesa kuti ndaakunda; ndinakhuwa mwakukomerwa kuti ndakunda Afilisti.”

⁹Mbani anandipitisa mumzinda wakutchingwa na mpanda? Mbani anandiphata nsenji kwenda ku Edomu?

¹⁰Ayi Mulungu mwatikhonda? Kadi imwe nkhabe kwenda pabodzi na anyankhondo athu tayu?

¹¹Tiphedzenimbo kumenyana na anyamalwathu; chiphedzo cha munthu nkhabe basabi.

¹²Mbwenye Mulungu angakhala kukhundu kwathu tinati tipikwanise; iye anakunda anyamalwathu.