Read cisena MASALIMO 61 Bible Online

MASALIMO 61 - cisena bible

MASALIMO 61

¹Kuna nyakutchemula nyimbo. Kuimbwa na anyakatangale. Salimo ya Davite. Ivani kulira kwanga, Mulungu; ivani kupempha kwanga.

²Kubulukira kumadolomero a dziko ndimbakuchemerani na mtima wakusanyika. Ndiendeseni kumbuto yakupata,

³thangwi imwe ndimwe pakubisala panga, imwe ndimwe nsanja yamphamvu kuna anyakundizonda.

⁴Ndilekeni ndikhale pyanga m'mbuto yanu yakuchena nsiku zonsene za moyo wanga; ndilekeni ndibisale pansi pa maphaphido anu.

⁵Imwe mwava pidadumbira ine pile, Mulungu, pontho mwandipasambo pinthu pinafuna dzatambira anyakukulemedzani ale.

⁶Thimizirani pyaka pizinji kuna moyo wa mfumu; mtawiriseni kukhala mifendu na mifendu!

⁷Mulungu, iye mbatonge pamaso panu kwenda na kwenda; mtchinjirizeni na kumfuna kwanu kokhonda mala pontho na kukhulupirika kwanu.

⁸Natenepo ndzidzi onsene ndinaimba nyimbo zakukukuzani nazo, mbandichita nsiku na nsiku pidadumbira ine kuna imwe pile.