Read cisena MASALIMO 62 Bible Online

MASALIMO 62 - cisena bible

MASALIMO 62

¹Kuna nyakutchemula nyimbo. Kuna Yedutuni. Salimo ya Davite. Ndimbadikhira mwakupirira kuti Mulungu andipulumuse; ndimbanyindira iye ene basi.

²Ndiye ene pakubisala panga, pontho chipulumuso changa; ndiye mpandanga wamphamvu, tenepo ine nkhabe dzatekenyeka tayu.

³Monsenene munamenya nyakusowa pyache mphamvu ninga mpanda wakudidimuka, pontho wakupendama kufikirana lini?

⁴Chinafuna imwe kwene nkhumbulusa pampando wache wachilemedzo; imwe mumbakomerwa nako kunamaku. Imwe mumbalonga mafala akutsanzayisa, kwache mumtima mwanu mumbamtemberera.

⁵Ndimbadikhira mwakupirira Mulungu ene basi; ndimbaikha chidikhiro changa pana iye.

⁶Ndiye ene basi pakubisala panga, pontho chipulumuso changa; iye ndi mpandanga wamphamvu, tenepo ine nkhabe dzatekenyeka tayu.

⁷Chipulumuso na chilemedzo changa chagona pana Mulungu; iye ndiye nyakunditchinjiriza wamphamvu; iye ndiye pakubisala panga.

⁸Nyindirani Mulungu ndzidzi onsene, imwe anthu anga. Mpangeni nyatwa zanu zonsene, thangwi iye ndiye pakubisala pathu.

⁹Anthu onsene akhala ninga muya; mkulu penu mwana onsene ntchibodzi-bodzi nkhabe basabi. Apimeni onsene, munaona kuti iwo nkhabe lemera tayu; iwo ngakululupa ninga muya.

¹⁰Lekani nyindira kuzunguza; lekani nyerezera kuti munagumana pinthu na umbava; podi kwene mfumanu iinjipe tani, lekani kuinyindira.

¹¹Ndamva Mulungu kazinji kene akulonga kuti iye ndi mwenechiro mphamvu,

¹²pontho kuti kutifuna kwache nkhokhonda mala. Imwe ene, Mbuya, ndiye mumbafupa munthu onsene malingana na mabasache.