Read cisena MASALIMO 64 Bible Online

MASALIMO 64 - cisena bible

MASALIMO 64

¹Kuna nyakutchemula nyimbo. Salimo ya Davite. Ndili panyatwa, Mulungu, ivani kupempha kwangaku! Ndikuchita mantha thangwi ya anyamalwanga, pulumusani moyo wanga!

²Nditchinjirizeni kuna pinaverana anyakudawika, kuna kusokosa kwa mwinji wa anyakuipawa.

³Iwo ambanozwa lulume yawo ninga talasada, mbaponya mafalawo ninga matswimo akupha.

⁴Iwo ambaponya matswimo akupha kubulukira pa mbuto yakubisika pana anyakukhonda dawa mbaalasa mwakututumusa pontho mwakusowa mantha. Iwo ambavunga anthu adidi mwakukala mtima.

⁵Ambakakamira kuchita pyakuipa pyaverana iwopyo! Iwo ambaverana mbuto zakuteyeramo misamphawo; iwo ambalonga kuti, “Nkhabe munthu anakwanisa kuiona tayu.”

⁶Iwo ambaverana kuchita pinthu pyakuipa mbalonga mbati, “Tasasanya mwadidi manyerezero athuwa.” Mtima na manyerezero a munthu ngakuchenjera.

⁷Mbwenye Mulungu ambaponya matswimo ache pana iwo, tenepo kabodzi kene iwo ambakhala na pironda.

⁸Iye anati aavunge thangwi ya malongero awo;[44] anyaakuona onsene anakupusa msolo.

⁹Onsene anachita mantha; iwo ananyerezera pinthu pyachita Mulungu na kulonga pya mabasache.

¹⁰Anthu akulungama onsene anakomerwa, thangwi ya pinthu pyachita MBUYA. Iwo anabisala muna iye; anthu akulungama onsene anamkuza.