Read cisena MASALIMO 75 Bible Online

MASALIMO 75 - cisena bible

MASALIMO 75

¹Kuna nyakutchemula nyimbo. Malingana na nyimbo yakuti: “Lekani vunga.” Salimo ya Asafu; nyimbo. Timbapereka takhuta kuna imwe, Mulungu, timbapereka takhuta kuna imwe! Timbalalika pya ukulu wanu, pontho kulonga[57] pya pinthu pyakudodomesa pyachita imwe.

²Mulungu akulonga kuti, “Ndaikha ndzidzi wakutonga miseru, pontho ndinatonga mwakulungama.

³Podi kwene kuti pinthu pyonsene pyamoyo pidalenga ine pitetemere, pontho dziko yapansi itekenyeke ine ndine wakuwangisa maziko ache.

⁴Ndimbaapanga anthu akuipa kuti aleke kutumbama; aleke famba na nthuku phaa!

⁵Ndimbaapanga kuti aleke kudungudza kunachita iwoko; aleke famba khosi gonesee!”

⁶Kutonga mseru nkhabe bulukira kumabulukiro penu kumadokero dzuwa, kumpoto, penu kumwera tayu.[58]

⁷Mulungu ndiye ambatonga miseru, pontho ambachitisa anango kukonwa pamaso pache, anangombo mbaayesa okhonda dawa.

⁸MBUYA ambaphatira khomitcho m'manja mwache, yakudzala na vinyu wakuwawa wa kuzhangali kwache. Iye ambamkhuthulira pansi, tenepo anthu akudawika onsene ambamwa; iwo ambamwa mwakumalisikiratu.

⁹Mbwenye kulonga pya ine ine nkhabe dzaleka kulonga pya Mulungu wa Yakobo, penu kuimba nyimbo zakumkuza nazo.

¹⁰Iye anakhutcha mano anyakudawika, mbwenye mphamvu za anyakulungama zinathimizirika.