Read cisena MASALIMO 94 Bible Online

MASALIMO 94 - cisena bible

MASALIMO 94

¹MBUYA, imwe ndimwe Mulungu wakutchunyusa; onesani ukali wanu!

²Lamukani, imwe nyakutonga mseru dziko yonsene; bwezerani anyakudungudza pyakuthemerana na iwo!

³Anyakudawika anakomerwa kufikirana lini? Kufikirana lini, MBUYA?

⁴Mphandu zinadungudza kufikirana lini, kudungudza na upandu unachita iwo?

⁵Iwo akupeya anthu anu, MBUYA; iwo akupondereza anthu anu.

⁶Iwo ambacheka amamfelwa na ana masiye mbapha alendo ambakhala m'dziko mwathu ale.

⁷Iwo ambalonga kuti, “MBUYA hambationa tayu; Mulungu wa Israele hambapidziwa tayu.”

⁸Veserani imwe madzemwa pakati pa anthu, mapupwemwe, munadzindikira lini?

⁹Mulungu ndiye adasasanya makutu athu; kadi iye nkhabe kwanisa kuva? Iye adasasanya maso athu; kadi iye nkhabe kwanisa kuona?

¹⁰Iye ule ambapanga madzinza pyakuchita; kadi iye nkhabe kwanisa kuatchunyusa?[67] Iye ule ndi mfunzisi wa anthu onsene; kadi iye nkhabe nzeru?

¹¹MBUYA ambadziwa manyerezero awo; iye ambadziwa kusowa basa kwachita manyerezero awo.

¹²MBUYA, ngwakutsanzaya munthu ambafunzisa imwe, munthu ambafunzisa imwe mwambo wanu ule!

¹³Imwe mumbampasa kupuma kuna nyatwa zache za nsiku na nsiku kufikirana anthu akudawika akumbirwe milindi.

¹⁴MBUYA nkhabe dzakhonda anthu ache tayu; iye nkhabe dzasiya dzinzache yakusankhulika.

¹⁵Chilungamo chinabwerera kuna anyakulungama, pontho anyakulungama onsene anachiikhira kunduli.

¹⁶Mbani adandiikhira kunduli kupokanyisana na anyakuipa? Mbani anakhala kukhundu kwanga kupokanyisana na anyakudawika?

¹⁷MBUYA mbadakhonda kundiphedza, mbandidenda kabodzi kene kudziko ya chete.[68]

¹⁸Ndidalonga kuti, “Ndatherezika;” mbwenye kundifuna kwanu kokhonda mala, MBUYA, kudandiphata pamkono.

¹⁹Ndzidzi unasanyika na kutsukwala ine, imwe mumbandithondoza, pontho mumbachitisa moyo wanga kukomerwa.

²⁰Atongi akuipa nkhabe phatizana na imwe tayu; ale ambatonga mwakukhonda teweza chilungamo,

²¹ale ambasasanya njira zakuphera nazo anthu adidi mbatonga kuti anthu okhonda dawa aphiwe.

²²Mbwenye MBUYA ndi mpandanga wamphamvu; Mulungu wanga mphakubisala panga.

²³Iye anaatchunyusa thangwi ya pyakudawa pyawo mbaavunga thangwi ya kudawika kwawo; MBUYA Mulungu wathu anaavunga.