Read cisena MASALIMO 97 Bible Online

MASALIMO 97 - cisena bible

MASALIMO 97

¹MBUYA ndi mfumu! Dziko yapansi, komerwa! Komerwani imwe ntchuwa za pabara!

²Makole na mdima pyamzungulira; kulungama pontho chilungamo ndi maziko a mpando wache wachifumu.

³Moto umbaenda patsogolo pache mbupisa anyamalwache akumzungulira.

⁴Kuchetuma kwache kumbamwinikira dziko yonsene yapansi; dziko yapansi imbakuonani mbitetemera na mantha.

⁵Mapiri ambanyunguluka ninga upula pamaso pa MBUYA, pamaso pa Mbuya wa dziko yonsene yapansi.

⁶Kudzulu kumbalalika pya kulungama kwache, pontho madzinza onsene ambaona demelero yache.

⁷Nyakupembedza mifanikizo onsene ambachitiswa manyadzo; ale ambatumbama na mifanikizo, mpembedzeni imwe milungu yonsene.[70]

⁸Anthu a kumzinda wa Zioni akomerwa, pontho mizinda ya Yuda ikusekera thangwi ya kutonga kwanu mseru, MBUYA.

⁹MBUYA Wakudzulu-dzulu, ndimwe mtongi wa dziko yonsene yapansi; ndimwe wamkululetu kupiringana milungu yonsene.

¹⁰MBUYA ambaafuna anthu akuzondana na pyakuipa ale;[71] iye ambayang'anira mwadidi moyo wa anthu ache akukhulupirika; iye ambaapulumusa kuna mphamvu za anyakudawika.

¹¹Cheza chimbamwinikira pana anyakulungama, pontho kukomerwa kumbakhala pana anyakuchena mtima.

¹²Imwe monsene anyakulungama komerwani, thangwi ya pinthu pyakuchitirani MBUYA! Kuzani dzinache yakuchena.