Read cisena MIYAMBI 28 Bible Online

MIYAMBI 28 - cisena bible

MIYAMBI 28

¹Nyakuipa ambathawa pyache yekha ene na bepe, mbwenye nyakulungama ngwakuwanga mtima ninga nkhalamu.

²Dziko ingapandukira, ndiye kuti ina atongi azinji, mbwenye mtongi wakuvesa pinthu, pontho waudziwisi ambakhazikisa kukoya mwambo.

³Mtongi wakupondereza anyakutcherenga akhala ninga mvula ya mphepo yakuvunga phoso ya m'munda.

⁴Anyakukhonda mwambo wa Mulungu ambasimba anyakudawika, mbwenye anyakukoya mwambo ambaapokanyisa.

⁵Anyakuipa nkhabe vesa chilungamo tayu, mbwenye anyakusaka-saka MBUYA ambachivesa mwadidi mwene.

⁶Nyakutcherenga ule nkhabe chakupokanyisa ngwadidi, kusiyana na nyamfuma ule makhaliro ache ngakupotoka.

⁷Nyakukoya mwambo wa Mulungu ndi mwana wanzeru mbwenye nyakuchita ushamwali na anthu alidyo ambachitisa babache manyadzo.

⁸Nyakuthimizira mfumache na katapira ambaigumanyira munthu ule ambaonesa kukoma mtima kuna anyakutcherenga.

⁹Ngakhala munthu anafunga makutu kuna mwambo wa Mulungu, na kupemphera kwache kwene nkhwakunyansira Mulungu.

¹⁰Nyakutsogolera anyakulungama m'njira zakuipa, anati agwere mumsampha mwache montho mbwenye anyakusowa chakupokanyisa anatambira pinthu pyadidi.

¹¹Nyakufuma anakwanisa kupiyesa yekha ene wanzeru, mbwenye nyakutcherenga wakuvesa pinthu ambamuoneratu phenengere.

¹²Anyakulungama angakunda, pambakhala kukomerwa kukulu; mbwenye anyakudawika angakwata utongi, anthu ambaenda kabisala.

¹³Nyakubisa pyakudawa pyache pinthu pyache nkhabe kumfambira mwadidi tayu, mbwenye nyakupibweka mbapileka anaverwa nsisi.

¹⁴Nyakutsanzaya ngule, ndzidzi onsene ambagopa MBUYA, mbwenye nyakuumisa mtimache anagwa panyatwa.

¹⁵Mfumu wakudawika wakuvuya anyakusowa chiphedzo akhala ninga nkhalamu yakubangula penu thika wakupomoka.

¹⁶Mtongi okhonda vesa pinthu ngwavinga, mbwenye nyakuzonda kudyekerwa anakhala na moyo wakulapha.

¹⁷Munthu wakupolomola mseru wakupha mwanzache anakhala nyakuthawathawa mpakana imfache; mbapaleke khala unango wakumphedza.

¹⁸Munthu wakusowa chakupokanyisa ambakhala pakupata, mbwenye munthu wa makhaliro akupotoka anagwera m'dzenje.

¹⁹Nyakuphata basa m'munda mwache anakhala na phoso, mbwenye nyakuchita pinthu pyapezi-pezi kwache nkhutcherenga kwene basi.

²⁰Nyakulungama anatsanzayiswa pikulu pene mbwenye nyakukhumba kufuma mwakuchimbiza anati atchunyuswe.

²¹Kuchita pinthu mwakuyang'ana nkhope si pyadidi tayu; kwache atongi anango anakwanisa kudyekerwa na kamkate.

²²Nyakuumirwa ambakhumba kufuma mwakuchimbiza mbafa mphuno kuti utcherengi uli chifupi kudza.

²³Nyakusumulula mwanzache, pakumalisira pache anakomerwa mtima kusiyana na munthu wakutapira m'kanwa.

²⁴Nyakubera babache penu mache mbalonga mbati, “Si kudawa kuchita tenepo tayu,” weneyo ndi shamwaliache nyakuvunga.

²⁵Nyamtima ambalamusa mapoko-poko, mbwenye nyakunyindira MBUYA pinthu pyache pinamfambira mwadidi.

²⁶Nyakuva pyache yekha ndi pupwe, mbwenye nyakuva kupangwa anakhala pakupata.

²⁷Nyakupasa anyakutcherenga nkhabe dzasowa na chinthu chene tayu, mbwenye nyakufunga maso ache kuna iwo anatembererwa pyakwanga.

²⁸Anyakudawika angakwata utongi, anthu ambaenda kabisala; mbwenye anyakudawika angavungika, anyakulungama ambabweramo pontho.