Read cisena NYAKULALIKA 2 Bible Online

NYAKULALIKA 2 - cisena bible

NYAKULALIKA 2

¹Ndidalonga ndekha ene kuti, “Ande, chinchino ndinati ndipiyese ndekha ene na tsenzo, towera ndigumane chinthu chakundikomera.” Mbwenye ndidaona kuti penepi pontho mphyapezi-pezi.

²Ndidalonga kuti, “Kuseka nkhupupwa, pontho tsenzo nkhabe ganyalisa tayu.”

³Na manyerezero akutsogolerwa na nzeru zanga, ine ndidapiyesera kupigalamusa ndekha ene na vinyu, pontho kukomerwa na pyaupupwe. Ine ndikhafuna kuona kuti ninji chinakwanisa munthu kuchita pansi pa thambo pansiku zakuchepa za moyo wache.

⁴Ine ndidachita pinthu pikulu. Ndidapimangira nyumba zizinji mbandilima minda yamfesa.

⁵Ndidalima minda mbindibzalamo miti ya nsapo zakusiyana-siyana;

⁶ndidakumba thawale ya madzi, towera ndithirire nawo miti idabzalwa kwene ile.

⁷Ndidagula mabitchu achimuna na achikazi ene, pontho ndikhali na mabitchu anango akubalwa m'nyumba mwanga. Ndikhali na ng'ombe na mabira pizinji kupiringana munthu onsene akhakhala mu Yerusalemu ine mbindidzati.

⁸Ine ndidapimulukira siliva na golidi kubulukira kuna mfuma yonsene ya mafumu na atsanthemba. Ine ndikhali na anyakuimba achimuna na achikazi ene, pontho na akazi achibitchu, ale ambachitisa mamuna kukomerwa.

⁹Ande, ndikhali wamkulu, wamkulu kupiringana munthu onsene mu Yerusalemu ine mbindidzati. Papinthu pyonsenenepi nzeru zanga nee zidandithawe tayu.

¹⁰Ine ndikhakwatika na chonsene chikhaona maso anga; tsenzo ndiye ikhali kudya kwanga. Mtimanga ukhakomerwa na mabasa akuwanga akhaphata ine. Wenewu ndi mfupo wa mabasanga onsene akuwanga.

¹¹Pidanyerezera ine pya pinthu pyonsene pidaphata manjanga pontho mabasanga adaphata ine mwakuwangisa, ndadzindikira kuti pyonsene mphyapezi-pezi, nkhulemba m'madzi; nkhabe chidaganyali ine pansi pa thambo tayu.

¹²Kubuluka penepo ndidatoma kunyerezera pya nzeru, nsala pontho kupupwa. Ayi ninji pontho chinakwanisa kuchita nyakupita m'mbuto mwa mfumu kupiringana pinthu pidachitwa kale iye mbadzati?

¹³Ndapiona kuti nzeru nsadidi kusiyana na kupupwa, ninga montho mumbachitira cheza kupiringana mdima.

¹⁴Anthu anzeru ambadziwa kunaenda iwo, mbwenye mapupwe ambafamba mumdima. Kwache ndadzindikira kuti pinthu pinafuna dzagwera unango pyontho-pyonthopyo pinati pigwerembo unango.

¹⁵Ndidapinyerezera ndekha ene kuti, “Pinthu pinafuna dzagwera pupwe pyonthopyo ndiye pinafuna dzandigwera. Apo chidaganyali ine ninji kukhala wanzeru?” Ine ndidalonga ndekha ene kuti, “Penepi pontho mphyapezi-pezi.”

¹⁶Thangwi nyanzeru sasawambo ninga pupwe nkhabe dzakumbukwa tayu; nsiku zinadzazo onsene uwiriawo anaduwalika. Ninga pupwe ntchibodzi-bodzi nyanzeru anati afembo!

¹⁷Natenepo ndidatoma kuzonda moyo, thangwi mabasa onsene ale aphatwa pansi pa thambo ngakudzesa kwene nyatwa kuna ine. Pyonsene mphyapezi-pezi, nkhulemba m'madzi.

¹⁸Ine ndidazonda mabasa onsene adaphata ine mwakuwangisa pansi pa thambo, podi ndathema kupisiyira nyakufuna dzapita m'mbuto mwanga ule;

¹⁹mbani anapidziwa kuti iye anakhala wanzeru penu pupwe? Kwache iye anakhala na utongi papyonsene pidagumana ine na mabasanga adaphata ine mwakuwangisa pontho mwaluso pansi pa thambo. Penepi pontho mphyapezi-pezi.

²⁰Natenepo ndidatoma kusanyika mumtima thangwi ya mabasa onsene akuwanga adaphata ine mwakubulusa kaluma pansi pa thambo.

²¹Thangwi munthu anakwanisa kuphata basache na nzeru, udziwisi pontho luso, kubuluka penepo iye athema kupisiyira munthu unango pinthu pyache pyonsene, ule hadapibulusire kaluma tayu. Penepi pontho mphyapezi-pezi pontho ndi dzedze ikulu.

²²Apo munthu anaganyaliponji thangwi ya mabasache onsene aphata iye mwakuwangisa pontho mwakuva kupha pansi pa thambo?

²³Nsiku zache zonsene basa imbaphata iye njakuvesa kupha pontho yakutsukwalisa; podi na mosiku ene msolo wache nkhabe puma tayu. Penepi pontho mphyapezi-pezi.

²⁴Chinthu chadidi chinakwanisa munthu kuchichita nkhudya na kumwa pyache, pontho kukomerwa na mabasa ambaphata iye. Kwache penepi pontho ndidapiona kuti mphyakubulukira kuna Mulungu,

²⁵thangwi kusowa iye, mbani anakwanisa kudya penu kukomerwa?

²⁶Mulungu ambapereka nzeru, udziwisi pontho kukomerwa kuna anthu ambakomerwa na iye ale. Mbwenye kuna anyakudawa iye ambaapasa basa yakugumanya na kukoya mfuma, towera iwo aipereke kuna anthu ambachitisa Mulungu kukomerwa ale. Penepi pontho mphyapezi-pezi, nkhulemba m'madzi.