Read cisena NYIMBO ZA SOLOMONI 6 Bible Online

NYIMBO ZA SOLOMONI 6 - cisena bible

NYIMBO ZA SOLOMONI 6

¹Ayi iwe mkazi wakubalika pakati pa akazi anango onsene, nyapamtimako aenda kupi? Njirache yalokota iye njipi, towera tiende nawe pabodzi kamsaka?

²Nyapamtimanga aenda kadyesa pifuyo pyache kumunda; katchola maluwa kumitumbira kudabzala iye mbewu za pyakununkhira,

³Ine ndine wa nyapamtimanga, pontho nyapamtimanga ngwanga; iye ambadyesa pifuyo pyache pakati pa maluwa.

⁴Ndiwe nyakubalika, nyapamtimanga, ninga mzinda wa Tiriza, wabalika tani tenepa ninga Yerusalemu, wademelero ninga anyankhondo akuthukula bandera.

⁵Bulusa maso ako pana ine, thangwi akunditoya. Tsisi yako ili vulu-vulu ninga mkumbi wa mbuzi kubidira kubulukira kuphiri ya Gileadi.

⁶Mano ako ngakuchena ninga mkumbi wa mabira akubulukira kasambiswa. Mano onsene andandalika mwadidi; mbapasowa na makwenje ene.

⁷Maputu ako m'chakumpsampsika nkhope yako akhala ninga mapandu antheme.

⁸Amatsano akhalepo pyawo makumatanthatu tani, akazi achibitchu makumasere, pontho amiyali okhonda lengeseka;

⁹kwache iye ndiye ene basi, nkhangaiwanga, pontho nyakusowa panango pakuphophonyeka, mwana mbodzi ene basi wa mache, pontho nyapamtima wa nyakumbala. Amiyali adamuona mbamchemera nyakutsanzaya amatsano na akazi achibitchu adamsimbambo.

¹⁰Mbani weneyu anaoneka ninga makalakwechayi, wadidi ninga mwezi, wakuyetima ninga dzuwa, wademelero ninga nyenyezi kuthambo?

¹¹Ine ndidatchithira kumiti ya alimondi kayang'ana mphukira paphedi, kayang'ana ngakhala mfesa zaphwitha, penu ngakhala ntheme zaikha maluwa.

¹²Mbandidzati kupidzindikira, pikhumbo pyanga pidandichitisa kulota kuti ndili m'chingolo chachifumu.

¹³Chita fundamtako, bwerera,[7] iwe mwali wa Chishulami; bwerera, chita fundamtako, towera tikuone! Thangwi yache ninji munayang'ana mwali wa Chishulami pinavina iye pakati pa magulu awiri a anyakuvina.[8]