Read cisena YESAYA 18 Bible Online

YESAYA 18 - cisena bible

YESAYA 18

¹Dzedze kuna dziko, kule kumbaveka kulira kwa maphaphido,[25] kukhundu inango ya mikulo ya Kushi,

²ule umbatumiza aimiriri a dziko na pamkulo wa Nailo pa miyadiya yakusasanywa na mitete. Ndokoni thamangani imwe anyamphangwa, kuna anthu akulapha pontho akumyalala manungo, kuna anthu akugopeka pikulu pene, dzinza yamphamvu pontho yaukali, ale dziko yawo yagawanikana na mikulo.

³Imwe anthu onsene a padziko yapansi, ale ambakhala padziko yapansi, bandera ingatchimikwa pansonga ya phiri imwe munaiona, pontho ngoma ingalira imwe munati muive.

⁴MBUYA adalonga kuna ine mbati, “Ine ndinakhala pyanga mulomo phoo mbandiyang'ana kwene na kumbuto kumbakhala ine, ninga kubuluka kwa dzuwa ndzidzi wa malimwe, pontho ninga kugwa kwa bume ndzidzi wakuvuna.”

⁵Thangwi anthu mbadzati vuna, mwenemo maluwa amala kumbwera pontho mfesa zamala kufira, iye anagwanda mphukira na mpeni wakusadzulira mbagwanda na kutaya nthambi zonsene zakutanthawira.

⁶Mitembo ya anyankhondo awo inasiyirwa malezi pontho nyama zam'tsanga; mbalame zinaidya ndzidzi wa malimwe, mbidzadyiwa na nyama za m'tsanga ndzidzi wa mainja.

⁷Ndzidzi wenewo mitukwa inadzeswa kuna MBUYA Wamphamvu zonsene kubulukira kuna anthu akulapha pontho akumyalala manungo, kuna anthu akugopeka pikulu pene, dzinza yamphamvu pontho yaukali, ale dziko yawo yagawanikana na mikulo. Mitukwa inadzeswa ku Phiri ya Zioni, kumbapembedzwa MBUYA Wamphamvu zonsene kule.