Read cisena YESAYA 39 Bible Online

YESAYA 39 - cisena bible

YESAYA 39

¹Pandzidzi ninga ontho-onthowo mfumu wa ku Babiloni, Merodaki-Baladani, mwana Baladani adava kuti Mfumu Hezekia akhadwala, natenepo adatumiza kalata na mtukwa kuna iye.

²Hezekia adatambira mwadidi anyamphangwa ale mbaaonesa mfumache yonsene; siliva na golidi, pyakukomesera muliwo na mafuta akununkhira, pontho na pida pyache pyonsene pya nkhondo. Nkhabe na chibodzi chene m'masubi ache akukoyeramo pinthu penu konsene kwene muufumu mwache chidasiya iye okhonda kuaonesa tayu.

³Tenepo mprofeti Yesaya adenda kuna Mfumu Hezekia mbamvunza mbati, “Ayi, amuna enewa abulukira kupi, pontho alonganji kuna imwe?” Hezekia adatawira mbati, “Iwo abulukira kudziko yakutali pyakwanga, ku Babiloni.”

⁴Mprofeti adavunza mbati, “Ayi chaona iwo ninji m'nyumba yachifumu?” Hezekia adatawira mbati, “Iwo aona chinthu chonsene. Nkhabe na chibodzi chene m'masubi akukoyeramo pinthu chidasiya ine okhonda kuaonesa tayu.”

⁵Tenepo Yesaya adampanga mfumu mbati, “MBUYA Wamphamvu zonsene akulonga kuti

⁶ndzidzi unafika wakuti pyonsene pya m'nyumbanu yachifumu, pinthu pyonsene pyakoya makolo anu kufikirana lero, pinakwatwa kwenda kudziko ya Babiloni. Nkhabe na chibodzi chene chinasiyiwa tayu.

⁷Pinango pya pidzukulu pyanu chadi-chadi pinakwatwa mbapikakapalwi katumikira m'nyumba ya mfumu wa ku Babiloni.”

⁸Mfumu Hezekia adanyerezera pikulonga kuti pandzidzi wache wakukhala na moyo panakhala mtendere na kutchinjirizwa, tenepo iye adatawira mbati, “Mphangwa zandipanga imwe kubulukira kuna MBUYA nsadidi.”