Read cisena YESAYA 53 Bible Online

YESAYA 53 - cisena bible

YESAYA 53

¹Mbani adakhulupira mphangwa zathu, pontho nkhwa mbani kudatchululwa mphamvu za MBUYA?

²Iye adakula pamaso pa MBUYA ninga mphukira, pontho ninga mtsitsi m'mataka akuuma. Iye hakhali wakubalika penu wademelero tayu kuti titunduke naye, nkhope yache hikhali yakusirika kuna ife tayu.

³Iye adakhondwa mbalulupiswa na anthu, nyansisi, pontho nyakukulitiri na pyakusanyika. Ninga munthu ule anthu adampasa nkhodolo, iye adalulupiswambo, na ife enembo tidakhonda kumulemedza.

⁴Ndimomwene kuti iye adava kupha m'mbuto mwathu mbakwata pyakutsukwalisa pyathu, kwache ife tidanyerezera kuti Mulungu ndiye akumtchunyusa, kumpamantha, pontho kumsanyisa.

⁵Kwache iye adalaswa thangwi ya umambalathu, pontho adava kupha thangwi ya pyakudawa pyathu; kutchunyuswa kudatidzesera mtendere kule kudagwera iye, pontho na pironda pyache ife tawangiswa.

⁶Tonsenefe, ninga mabira tamala tayika, munthu onsene wa ife alokota pyache njirache; tenepo MBUYA atula pana iye pyakudawa pya ife tonsene.

⁷Iye adaponderezwa na kusanyiswa, kwache iye hadabuluse fala tayu; iye adakwatwa ninga mwanabira kwenda kachekwa. Ninga mumbafulikira bira kuna nyakumchinga ubweyache, sasawambo iye hadafungule mulomo wache tayu.

⁸Adamphata mwavinga mbamtonga mseru, tenepo adenda naye kampha. Apo mbani mbadakwanisa kudziwa pinafuna dzamgwera? Iye adabuluswa m'dziko ya anthu a moyo; na thangwi ya umambala wa anthu anga, iye adaona nyatwa.

⁹Iye adasasanyirwa masiye pakati pa anyakudawika mbaikhwa m'masiye pabodzi pene na anyamfuma, podi kwene kuti iye hadachite na chakuzunguzika chene, penu m'kanwa mwache kulongambo pyakunama tayu.

¹⁰MBUYA akulonga kuti, “Kwache kukhali kufuna kwa Mulungu kumsanyisa pontho kumchitisa kuona nyatwa. Podi kwene kuti MBUYA achitisa moyo wache kukhala nsembe yakupagalira pyakudawa, iye anati basi aone pidzukulu pyache mbakhala na moyo wakulapha, pontho kufuna kwa MBUYA kunati kuchitike kudzera muna iye.

¹¹Angamala kuona nyatwa zachezo, iye anati aone cheza. Iye anakhutira na pinthu pidaona iye thangwi nyabasanga wakulungamayo analungamisa anthu azinji mbathukula pyakudawa pyawo.

¹²Natenepo ine ndinampasa demelero yakuthemerana na akulu-akulu, pontho iye anagawana na anyamphamvu pyakupokoserwa kunkhondo, thangwi iye adapereka moyo wache mpakana kufa. Iye adayeswa ninga mbodzi wa anyakuswa mwambo,[53] thangwi iye adathukula pyakudawa pya anthu azinji; kwache iye adapempherera anyakudawa, towera umambalawo ulekererwe.”[54]