Read cisena YEREMIA 47 Bible Online

YEREMIA 47 - cisena bible

YEREMIA 47

¹Mfumu wa ku Iguputo mbadzati chita nkhondo na Gaza, MBUYA adalonga kuna Yeremia pya Afilisti.

²MBUYA akulonga tenepa: “Yang'ana, kuvunduka kunachita madzi kumpoto; iwo anati asanduke madzi makulu. Iwo anati atayikire m'dzikomo, mbadya dziko yonseneyo, m'maluwani na anthu ambakhala mwenemo ale. Anthu anakhuwa; onsene anyakukhala mwenemo anakalala,

³thangwi ya kuva mchiti wa njondo za akavalo, ugubudu-gubudu wa pingolo na ukhwetchere-khwetchere wa magaleta. Ababa nkhabe dzazungunuka kuphedza anawo tayu; manjawo anachita chiwewa.

⁴Thangwi nsiku yakwana yakuvunga Afilisti onsene, pontho kupuluza onsene anyakusalira na moyo, ale anafuna pyakuphedza Turo na Sidoni. MBUYA ali chifupi kuvunga Afilisti, anyakusalira pagombe ya Krete.

⁵Gaza anachinga tsisi yache thangwi ya kusintili; Ashikeloni anasanduka madembe. Imwe Afilisti anyakusalira munapicheka-cheka mwekha ene kufikirana lini kuonesa kusintili kwanu?

⁶“Imwe mukulira kuti, ‘Sha! Iwe, talasada ya MBUYA, unakadza kufikirana lini? Pitchokomeze wekha ene m'mbuto mwako, khala pyako mwenemo kupuma.’

⁷Kwache inapuma tani, podi aitonga kuchita tenepo ndine, MBUYA, mwenemo ndaitonga kusosa Ashikeloni na anyamgombe?”