Read cisena EZEKIELE 40 Bible Online

EZEKIELE 40 - cisena bible

EZEKIELE 40

¹Chaka chamakumawiri na chishanu pikhali ife pa unyaperezo, kutoma kwa chaka, pansiku yachikhumi ya mwezi, chaka chakhumi na pinayi pidakundwa Yerusalemu, pansiku yonthoyo mphamvu za MBUYA zidandigudumira, tenepo iye andandithukula kwenda nane ku Yerusalemu.

²Kumasomphenya Mulungu adandithukula kwenda nane kudziko ya Israele mbandiimirisa paphiri yakulapha, ile kumwera kwache kukhali nyumba zakuoneka ninga mzinda.

³Iye adandiendesa kweneko, tenepo ndidaonako munthu ule makhaliro ache akhaoneka ninga nkuwa; iye akhaimira pamsuwo wa mpanda uku m'manja mwache aphatira nkhambala yakuchena pontho na mdida wa ndodo.

⁴Munthu ule adalonga kuna ine mbati, “Iwe mwana munthu, yang'ana na maso ako mbuvesere na makutu ako pontho ikha mtima kuna pinthu pyonsene pinafuna ine kukuonesa; ndi thangwi yache iwe wadzeswa kuno. Iwe wathema kupanga dzinza ya Israele pyonsene pinaona iwe.”

⁵Ine ndidaona mpanda wazungulira Nyumba ya Mulungu monsene mwene. Kulapha kwa mdida wa ndodo idaphatira munthu ile kukhali makhono matatu. Iye adapima mpanda ule; ntchindu yache ikhali ulaphi wa mdida ule, pontho chengo chache chikhali ulaphi wa mdida ule.

⁶Tenepo munthu ule adenda kumsuwo wakumabulukiro dzuwa. Iye adakwira nsikada mbapima mafufu a msuwowo; ntchindu yache ikhali ulaphi wa mdida ule.

⁷M'bwalomo kukhundu yonsene kukhali masubi matatu a anyakulondali, kada subi ulaphiache ukhali kulapha kwa mdida ule, pontho umimbache ukhali kulapha kwa mdida ule. Mafufu akugawa masubi a anyakulondali ntchindu yache ikhali makhono mawiri na kati ya khono. Kupiringana masubiwo kukhali msuwo unango wakupitira m'subi yakuyang'ana chintalo cha Nyumba ya Mulungu, ntchindu ya mafufu a msuwo wenewu ukhali kulapha kwa mdida ule.

⁸Kubuluka penepo iye adapima subi yeneyi, ulaphiache ukhali makhono manayi. Tenepo iye adapima msuwo wakupitira muchintalo cha Nyumba ya Mulungu, pontho ntchindu ya mafufu a msuwo wenewu ukhali khono ibodzi.

⁹

¹⁰M'bwalo mwa msuwo wakumabulukiro dzuwa mukhali masubi a anyakulondali kukhundu yonsene, pontho ulaphiache akhali sasawa. Mafufu onsene akugawa masubiwo, ntchindu yache akhali sasawa.

¹¹Tenepo iye adapima umimba wa msuwo ule; msuwowo ukhali makhono mashanu, pontho umimba wa subi yakupitira muchintalo ikhali makhono matanthatu na kati ya khono.

¹²Kutsogolo kwa masubi a anyakulondali onsene kukhali fufu ile chengo chache pontho umimbache pikhali kati ya khono, pontho masubi a anyakulondali akhali sasawa makhono matatu kukhundu zonsene.

¹³Kubuluka penepo iye adapima umimbache msuwo wakumabulukiro dzuwa. Kubulukira pa fufu yakunduli ya subi ya anyakulondali ibodzi ile mpakana kufufu yakunduli kwa subi inango yakuyang'anisana ile, umimbache ukhali makhono khumi na awiri na kati ya khono.

¹⁴Iye adapima subi yakuyang'ana chintalo, umimbache ukhali makhono khumi.

¹⁵Kubuluka pa fufu ya pamsuwo wa mpanda kunkhomo kwa subi yakuyang'ana chintalo, ulaphiache ukhali makhono makumawiri na mashanu.

¹⁶Mafufu akunja a masubi a anyakulondali, pontho mafufu akugawa masubi a anyakulondali akhali na mazhanera. Mafufu a subi yakuyang'ana chintalo ikhali pontho na mazhanera. Pamafufu a m'bwalomo padathemeserwa na pithunzi-thunzi pya miti yamdikhwa.

¹⁷Kubuluka penepo munthu ule adandipitisa muchintalo chakunja. Kweneko ndidaona masubi makumatatu m'khundu-khundu mwa chintalo. Kunkhope kwa masubi enewa pakhali njira yakuphophwa na miyala ponsene pene,

¹⁸pontho ikhapita na m'khundu-khundu mwa misuwo ile, mwakuti umimbache ukhali wakulingana na kulapha kwa misuwoyo. Chintalo chakunjachi chikhali m'tchinde mwa chintalo cham'bwalo.

¹⁹Tenepo iye adapima chintalo chakunja; kubulukira pa msuwo wakupitira muchintalo chakunja mpakana kumsuwo wakupitira muchintalo cham'bwalo, ulaphiache ukhali makhono makumashanu.

²⁰Kubuluka penepo iye adapima ulaphi na umimba wa msuwo wakuyang'ana kumpoto wakupitira muchintalo chakunja.

²¹Masubi a anyakulondali ache, atatu kukhundu yonsene, mafufu akugawa masubi a anyakulondali na subi yakuyang'ana chintalo, kukula kwache kukhali sasawa na kukula kwa msuwo wakumabulukiro dzuwa ule. Ulaphiache ukhali makhono makumawiri na ashanu, pontho umimbache ukhali makhono khumi na awiri na kati ya khono.

²²Mazhanerache, subi yache yakuyang'ana chintalo, na pyakuthemesera pya miti yamdikhwa, pyonsene pikhali sasawa na pya pamsuwo wakumabulukiro dzuwa. Pamsuwo pakhali nsikada zinomwe, pontho zikhayang'anisana na subi yakuyang'ana chintalo.

²³Kuyang'anisana na msuwo wakumpoto pakhali msuwo wakupitira muchintalo cham'bwalo, ninga montho mukhali ipyo na msuwo wakumabulukiro dzuwa. Iye adapima kubulukira pa msuwo ubodzi mpakana kumsuwo unango wakuyang'anisana nawo; ulaphiache ukhali makhono makumashanu.

²⁴Kubuluka penepo munthu ule adenda nane kukhundu yakumwera, tenepo kweneko ndidaona msuwo wakuyang'ana kumwera. Iye adapima mafufu ache na subi yache yakuyang'ana chintalo, tenepo ipyo pikhali sasawa na pinango pile.

²⁵Msuwo wenewu na subi yache yakuyang'ana chintalo ikhali na mazhanera ponsene pene, sasawa na mazhanera a m'misuwo inango ile. Ulaphiache ukhali makhono makumawiri na mashanu, umimbache mbukhala makhono khumi na mawiri na kati ya khono.

²⁶Pamsuwo pakhali nsikada zinomwe, pontho zikhayang'anisana na subi yakuyang'ana chintalo; pamafufu a m'bwalomo padathemeserwa na pithunzi-thunzi pya miti yamdikhwa kukhundu yonsene.

²⁷Chintalo cham'bwalo chikhalimbo na msuwo wakuyang'ana kumwera, tenepo iye adapima kubulukira pa msuwo wenewu mpakana kumsuwo unango wakunja kukhundu yakumwera. Ulaphiache ukhali makhono makumashanu.

²⁸Kubuluka penepo munthu ule adandipitisa muchintalo cham'bwalo kupita na msuwo wakumwera. Iye adapima msuwo wakumwera; ulaphiache na umimbache pikhali sasawa na misuwo inango yonsene ile.

²⁹Masubi a anyakulondali ache, mafufu akugawa musubi a anyakulondali na subi yakuyang'ana chintalo, kukula kwache kukhali sasawa na kukula kwa misuwo inango ile. Mafufu a masubi ache akhali na mazhanera ponsene pene. Ulaphiache ukhali makhono makumawiri na ashanu, pontho umimbache ukhali makhono khumi na awiri na kati ya khono.

³⁰Kumisuwo yakupitira muchintalo cham'bwalo kuzungulira ponsene pene kukhali masubi. Masubi onsenewo ulaphiache ukhali makhono khumi na awiri na kati ya khono, pontho umimbache ukhali makhono mawiri na kati ya khono.

³¹Subi yache idayang'ana chintalo chakunja; pamafufu a m'bwalo padathemeserwa na pithunzi-thunzi pya miti yamdikhwa, pontho pamsuwo wenewu pakhali nsikada zisere.

³²Kubuluka penepo munthu ule adandipitisa muchintalo cham'bwalo kukhundu yakumabulukiro dzuwa, tenepo iye adapima subi ya kumsuwo; ulaphiache na umimbache ukhali sasawa na inango ile.

³³Masubi ache a anyakulondali, mafufu akugawa masubi a anyakulondali na subi yakuyang'ana chintalo, kukula kwache kukhali sasawa na kukula kwa misuwo inango ile. Mafufu a masubi ache akhali na mazhanera ponsene pene. Ulaphiache ukhali makhono makumawiri na ashanu, pontho umimbache ukhali makhono khumi na awiri na kati ya khono.

³⁴Subi yache idayang'ana chintalo chakunja; pamafufu a m'bwalomo padathemeserwa na pithunzi-thunzi pya miti yamdikhwa, pontho pamsuwo wenewu pakhali nsikada zisere.

³⁵Kubuluka penepo adenda nane kumsuwo wakumpoto mbaupima. Ulaphiache na umimbache pikhali sasawa na inango ile,

³⁶ningambo masubi ache a anyakulondali, mafufu akugawa masubi a anyakulondali na subi yakuyang'ana chintalo. Mafufu a masubi ache akhali na mazhanera ponsene pene. Ulaphiache ukhali makhono makumawiri na ashanu, pontho umimbache ukhali makhono khumi na awiri na kati ya khono.

³⁷Subi yache[33] idayang'ana kuchintalo chakunja; pamafufu a m'bwalomo padathemeserwa na pithunzi-thunzi pya miti yamdikhwa kukhundu zonsene, pontho pamsuwo wenewu pakhali nsikada zisere.

³⁸Pamsuwo wakumpoto pakhali subi inango, kule kukhatsukirwa nsembe zakupyerera. Subi yeneyi ikhali na msuwo wakupitira m'subi yakuyang'ana chintalo chakunja,

³⁹M'subi yeneyi mukhali mathebulu awiri kukhundu zonsene, pale pakhachekerwa nsembe zakupyerera, nsembe zakulekerera nazo pyakudawa pontho nsembe zakupagalira nayo pyakudawa.

⁴⁰Kunja m'khundu-khundu mwa fufu ya subi yakuyang'ana chintalo, chifupi na nsikada za pamsuwo wakumpoto pakhali mathebulu awiri, pontho kukhundu inango ya nsikada zile kukhali pontho mathebulu anango awiri.

⁴¹Natenepo pakhali mathebulu anayi kukhundu ibodzi ya msuwo pontho mathebulu anayi kukhundu inango ya msuwo, pabodzi pene akhalipo mathebulu masere, pale pakhachekerwa nsembe zakupyerera.

⁴²Pakhali pontho mathebulu anayi a miyala yakusema akuperekerapo nsembe zakupyerera. Thebulu yonsene ulaphiache ukhali khono ibodzi, umimbache mbukhala kati ya khono, pontho chengo chache ikhafika ntchafu. Pathebulopo pakhali piphano pyakuchekera nsembe zakupyerera na nsembe zinango.

⁴³Pontho pyakujobolera nyama pyakulapha ninga dzanja pyakukhala na ngoloweko pidamanikwa m'mafufu ponsene pene. Mathebulu ale akhali akuikhapo nyama za nsembe.

⁴⁴Tenepo iye adandipitisa muchintalo cham'bwalo, mule mukhali masubi mawiri. Subi ibodzi ikhali kukhundu ya msuwo wakumpoto kuyang'ana kumwera, pontho subi inangoyo ikhali kukhundu ya msuwo wakumwera kuyang'ana kumpoto.

⁴⁵Tenepo iye adalonga kuna ine mbati, “Subi yayang'ana kumwerayi nja anyansembe, ale ambayang'anira Nyumba ya Mulungu,

⁴⁶subimbo yayang'ana kumpotoyi nja anyansembe, ale ambayang'anira guwa yansembe. Enewa mbana Zadoki, pontho mbale ene basi anakwanisa kufika chifupi na MBUYA mbatumikira pamaso pache.”

⁴⁷Kubuluka penepo munthu ule adapima chintalo. Ulaphiache na umimbache pikhali sasawa, mathanyo makumashanu khundu zonsene. Guwa yansembe ikhali kunkhope kwa Nyumba ya Mulungu.

⁴⁸Kubuluka penepo iye adandipitisa m'subi yakupitira m'Nyumba ya Mulungu, pontho iye adapima msuwo; umimbache ukhali makhono anomwe,[34] pontho ulaphiache ukhali makhono mawiri na kati ya khono kukhundu yonsene. Mafufu a pamsuwo, ntchindu yache ikhali khono ibodzi na kati ya khono kukhundu yonsene.

⁴⁹Subi yakupitira m'Nyumba ya Mulungu, umimbache ukhali makhono khumi, pontho ulaphiache kubulukira kunkhope kwenda kunduli ukhali makhono matanthatu. Penepo pakhali nsikada, pontho mizati miwiri kukhundu yonsene ya mafufu a pamsuwo.