Read cisena HOSEA 3 Bible Online

HOSEA 3 - cisena bible

HOSEA 3

¹MBUYA adalonga kuna ine mbati, “Ndoko pontho[6] ukaonese mkazako kumfuna kwako, podi kwene kuti iye asanduka puta mbathamanga na mamuna unango. Mfune ninga mumbafunira MBUYA Aisraele, podi kwene kuti iwo azungunukira kuna milungu inango mbakomerwa na kupereka nsembe zamfesa zakuuma kuna mifanikizo.”

²Natenepo ine ndidamgula na masiliva khumi na ashanu, pontho barele wakukwana makilogramu dzana na makumashanu.

³Kubuluka penepo ndidampanga kuti, “Iwe wathema kukhala na ine nsiku zizinji zene. Leka khalave puta, penu kugona na mamuna unango, pontho ine nkhabe dzagona nawe msanga tayu.”

⁴Thangwi montho-monthomo Aisraele athema kukhala ndzidzi ukulu ene akusowa mfumu penu mtongi, okhonda pereka nsembe penu kuimisa piguwa pyakupambulika, okhonda kukhumira, penu kuombedza na mifanikizo.

⁵Kwache m'nduli mwache Aisraele anazungunuka mbasaka MBUYA Mulungu wawo, pontho chidzukulu cha Davite mfumu wawo. Iwo anabwera mwakutetemera kuna MBUYA, pakumalisira pache anatambira mtsanzayiso wache wadidi.