Read cisena KALEMBERA 26 Bible Online

KALEMBERA 26 - cisena bible

KALEMBERA 26

¹Pidamala muliri ule MBUYA adalonga kuna Mose na Eleazara mwana Aroni mbati,

²“Chitani kalembera wa dzinza yonsene malingana na mabanjawo, maka amuna a pyaka makumawiri pyakubalwa penu akupiringana penepo, ale anakwanisa kuphata basa ya unyankhondo.”

³Mose na Eleazara adaveradi MBUYA mbachemeresa pabodzi amuna onsene a pyaka penepi. Iwo adagumanyiswa m'maphedi a Moabu kukhundu inango ya mkulo wa Yorodani kubulukira ku Yeriko. Aisraele ale adabuluka m'dziko ya Iguputo mbawa.

⁴

⁵Dzinza ya Rubeni, ule akhali mwana wautombo wa Yakobo: nkhonda Hanoki, Palu,

⁶Hezironi na Karimi.

⁷Onsene pabodzi pene akhalipo pikwi makumanayi na pitatu, pontho na madzana manomwe na makumatatu.

⁸Pidzukulu pya Palu pikhali Eliabu

⁹na anache achimuna Nemuele, Datani na Abiramu. Datani na Abiramu ngontho ale adasankhulwa na dzinza yonsene ya Israele. Iwo adapandukira Mose na Aroni mbakhala gulu ibodzi na anyakutewera Kora, pidapandukira iwo MBUYA.

¹⁰Mataka adafunguka mbaakhudyula onsene. Tenepo iwo adafa pabodzi pene Kora na anyakutewerache pidadza moto kuvunga amuna madzana mawiri na makumashanu; iwo adakhala ninga chinthu chakucheuza nacho anthu.

¹¹Mbwenye ana achimuna a Kora hadaphiwe tayu.

¹²Dzinza ya Simioni: nkhonda Nemuele, Yamini, Yakini,

¹³Zera na Shauli.

¹⁴Onsene pabodzi pene akhalipo amuna pikwi makumawiri na piwiri na madzana mawiri.

¹⁵Dzinza ya Gadi: nkhonda Zefoni, Hagi, Shuni,

¹⁶Ozini, Eri,

¹⁷Arodi na Areli.

¹⁸Onsene pabodzi pene akhalipo amuna pikwi makumanayi na madzana mashanu.

¹⁹Dzinza ya Yuda: nkhonda Shela, Perezi, Zera, Hezironi na Hamuli. Ana achimuna awiri a Yuda, Eri na Onani akhadafera m'dziko ya Kanani.

²⁰

²¹

²²Onsenewa pabodzi pene akhalipo amuna pikwi makumanomwe na pitanthatu pontho na madzana mashanu.

²³Dzinza ya Isakara: nkhonda Tola, Pua,

²⁴Yashubu na Shimironi.

²⁵Onsene pabodzi pene akhalipo amuna pikwi makumatanthatu na pinayi pontho na madzana matatu.

²⁶Dzinza ya Zebuloni: nkhonda Seredi, Eloni na Yaheleele.

²⁷Onsene pabodzi pene akhalipo amuna pikwi makumatanthatu na madzana mashanu.

²⁸Madzinza a Yosefe ule akhali na ana awiri achimuna, Manase na Eferemu.

²⁹Dzinza ya Manase: Makiri mwana manase adabala Gileadi. Tenepo anthu onsene ali m'tchindewa mphidzukulu pya Gileadi:

³⁰nkhonda Izere, Heleki,

³¹Asriele, Shekemu,

³²Shemida na Hefere.

³³Zelofehadi mwana wamamuna wa Hefere akhali nkhabe ana achimuna mbwenye achikazi okhokha. Anawo madzinawo mbawa: Mala, Nowa, Hogila, Milika na Tiriza.

³⁴Onsene pabodzi pene akhalipo amuna pikwi makumashanu na piwiri pontho na madzana manomwe.

³⁵Dzinza ya Eferemu: nkhonda Shutela, Bekeri na Tahani.

³⁶Nkhonda Erani mphidzukulu pya Shutela.

³⁷Onsene pabodzi pene akhalipo amuna pikwi makumatatu na piwiri pontho na madzana mashanu. Mbumba yonseneyi ikhali pidzukulu pya Yosefe.

³⁸Dzinza ya Benjemani: nkhonda Bela, Ashibele, Ahiramu,

³⁹Shefufamu na Hufamu.

⁴⁰Nkhonda Aridi na Naamani mphidzukulu pya Bela.

⁴¹Onsene pabodzi pene akhalipo amuna pikwi makumanayi na pishanu pontho na madzana makumatanthatu.

⁴²Dzinza ya Dani: nkhonda Shuhamu.

⁴³Iwo onsene pabodzi pene akhalipo amuna pikwi makumatanthatu na pinayi pontho na madzana manayi.

⁴⁴Dzinza ya Asheri: nkhonda Imina, Ishivi na Beria.

⁴⁵Nkhonda Heberi na Malikiele mphidzukulu pya Beria.

⁴⁶Asheri akhadabala mwana wamkazi dzinache Sera.

⁴⁷Onsene pabodzi pene akhalipo amuna pikwi makumashanu na pitatu pontho na madzana manayi.

⁴⁸Dzinza ya Nafitali: nkhonda Yazeele, Guni,

⁴⁹Yezeri na Shilemu.

⁵⁰Onsene pabodzi pene akhalipo amuna pikwi makumanayi na pishanu pontho na madzana manayi.

⁵¹Konta yonsene ya amuna a mu Israele idakwana pikwi madzana matanthatu na chibodzi pontho na madzana manomwe na makumatatu.

⁵²MBUYA adalonga kuna Mose mbati,

⁵³“Gawa dzikoyo pakati pa madzinza malingana na kuinjipa kwa anthu adalembwa ale.

⁵⁴Ungafuna kuigawa uphatise basa ntsango, pontho upereke mbuto ikulu kuna dzinza ikulumbo, mbuto ing'ono kuna dzinzambo ing'ono.”

⁵⁵

⁵⁶

⁵⁷Dzinza ya Levi idadzala na nkhonda Gereshoni, Kohati na Merari.

⁵⁸Pidzukulu pyache pidavungazikana na nkhonda Libini, Hebroni, Mahili, Mushi na Kora. Kohati adabala Amuramu,

⁵⁹ule adasemba mwana wamkazi wa Levi dzinzache Yokebedi, ule adabalwa mu Iguputo. Iye adambalira Amuramu ana awiri achimuna, Aroni na Mose, pontho na nyamaingawo Miriamu.

⁶⁰Aroni adabala ana anayi achimuna Nadabu, Abihu, Eleazara na Itamara.

⁶¹Nadabu na Abihu adafa pidapereka iwo moto okhonda tawiriswa pamaso pa Mulungu.

⁶²Ana achimuna a Levi, ale akhali na mwezi ubodzi wakubalwa penu kupiringana penepo akhalipo pikwi makumawiri na pitatu. Iwo adalembwa paokha enembo nee kuavungaza kubodzi na Aisraele anzawo tayu, thangwi iwo hadapaswe mbuto mu Israele tayu.

⁶³Anthu onsenewa adalembwa na Mose pontho Eleazara pikhachita iwo kalembera kukhundu inango ya mkulo wa Yorodani kubulukira ku Yeriko.

⁶⁴Nkhabe mamuna mbodzi akhadasala tayu pakati pa anthu ale adalembwa na Mose pontho Aroni pandzidzi udachita iwo kalembera wakutoma m'thando yatchetcha ya Sinai.

⁶⁵MBUYA akhadalonga kuti onsene anamala kufa m'thando yatchetcha. Nee mbodzi wa iwo adasala na moyo tayu, kupambula Kalebu mwana Yefune na Yoswa mwana Nuni.