Read cisena KALEMBERA 34 Bible Online

KALEMBERA 34 - cisena bible

KALEMBERA 34

¹MBUYA adapanga Mose

²kulonga kuna Aisraele kuti: “Mungapita m'dziko ya Kanani, dziko inafuna ine kukupasani, madire ache anakakhala tenepa.

³Madire akumwera anafumuka mpakana kuthando yatchetcha ya Zini nkhwenderatu kumadire a Edomu. Kumabulukiro dzuwa, madire anu anatomera pale padadolomera Nyanza Yakufa kumwera.

⁴Kubuluka kweneko anaenda kumwera kwendera kumakata a Akarabimu mbathimiza kugwanda na mu Zini mpakana kumwera kwa Kadeshi Barinea. Kubuluka kweneko anagonyera kumpoto kumadokero dzuwa kwache kwendera ku Hazari-Adari mbaenderatu ku Azimoni,

⁵kule kunafuna iwo kwendera kuphedi kumadire a Iguputo mbadza kumadolomero a Bara ya Mediterania.

⁶“Madire akumadokero dzuwa anakhala Bara ya Mediterania.

⁷“Madire akumpoto anaenderatu kubulukira ku Bara ya Mediterania mpakana ku Phiri ya Hori,

⁸pontho kubulukira kweneko kwenda kumakata a Hamati. Anathimizirika kwenda ku Zedadi,

⁹pontho ku Zifironi mbakadolomera pa Hazari-Enani.

¹⁰“Madire akumabulukiro dzuwa anaenderatu kubulukira ku Hazari-Enani mpakana ku Shefamu.

¹¹Kubuluka kweneko anaenda ku Haribele, kumabulukiro dzuwa a Aini mpakana kumapiri akumabulukiro dzuwa a m'khundu-khundu mwa nyanza ya Galilea,

¹²kubuluka kweneko anapita m'khundu-khundu mwa mkulo wa Yorodani mpakana ku Nyanza Yakufa. “Madire a makhundu manayi a dziko yanuyo ngenewa.”

¹³Natenepo Mose adalonga kuna Aisraele mbati, “Dziko inafuna imwe kutambira pakuchita ntsango ile yapereka MBUYA kuna madzinza mafemba na Manase wakumadokero dzuwa njeneyi.

¹⁴Madzinza a Rubeni na Gadi pontho na Manase wakumabulukiro dzuwa atambira kale dziko yawo, ile idagawiwa malingana na mabanjawo,

¹⁵kumabulukiro dzuwa a mkulo wa Yorodani kuyang'anisana na Yeriko.”

¹⁶MBUYA adalonga kuna Mose mbati,

¹⁷“Eleazara nyansembe na Yoswa mwana Nuni ndiye anati agawe dzikoyi pakati pa Aisraele.

¹⁸Ukwate pontho mkadamu mbodzi padzinza yonsene kuti aphedzane nawo kugawa dzikoyi.”

¹⁹Amuna adasankhula MBUYA kukhala akadamu mbawa: Dzinza ya Yuda: Kalebu mwana Yefune Dzinza ya Simioni: Shelumiele mwana Amihudi Dzinza ya Benjemani: Elidadi mwana Kisiloni Dzinza ya Dani: Buki mwana Yogili Dzinza ya Manase: Haniele mwana Efodi Dzinza ya Eferemu: Kemuele mwana Shifitani Dzinza ya Zebuloni: Elizafani mwana Parinaki Dzinza ya Isakara: Palatiele mwana Azani Dzinza ya Asheri: Ahihudi mwana Shelomi Dzinza ya Nafitali: Pedahele mwana Amihudi.

²⁹Amuna enewa mbale adasankhula MBUYA kuti agawe dziko pakati pa Aisraele m'dziko ya Kanani.