Read cisena MALAKI 4 Bible Online

MALAKI 4 - cisena bible

MALAKI 4

¹MBUYA Wamphamvu zonsene akulonga kuti, “Ndimomwene nsiku ikudza; iyo inagaka ninga dzenje ya moto. Onsene anyakutumbama na anyakuchita pyakuipa anamala kupya, pontho nsiku yeneyo inafuna kudza ile, iwo anagaswa moto. Nkhabe mtsitsi penu na nthambi ene inafuna dzasalira pana iwo tayu.

²Mbwenye kulonga pya imwe, ale mumbalemedza dzinanga, chipulumuso changa chinakumwinikirani ninga dzuwa mbachidzadzesa cheza chakuwangisa anthu. Penepo imwe munabuluka na kunumpha-numpha ninga anamphulu akufungulirwa m'thanga.

³Penepo imwe munapondereza anyakudawika; iwo anakhala fumbi ya kumanyalo kwanu pansiku inafuna ine chita penepi. Ndalonga ndine MBUYA Wamphamvu zonsene.

⁴“Kumbukani pifunziso pya nyabasanga Mose, mwambo na matongero pidampasa ine paphiri ya Sinai kuti apereke kuna Aisraele.

⁵“Ngayang'anani, ine ndinati ndikutumireni mprofeti Elia, nsiku ikulu pontho yakugoswa ya MBUYA mbidzati fika.

⁶Iye anachitisa ababa na anawo kuphatizana pontho, mbachitisambo ana kuphatizana na ababawo, gopesera ine ndinadza dzavunga na kutemberera dziko yawoyo.”