Read cisena AKOLOSE 4 Bible Online

AKOLOSE 4 - cisena bible

AKOLOSE 4

¹Imwembo ambuya, khalani adidi kuna mabitchu anu, pontho achitireni pyakuthema, thangwi imwembo muna Mbuya kudzulu.

²Pempherani mwakukhonda lekeza, pontho khalani m'maso ndzidzi unapemphera imwe, kupereka takhuta kuna Mulungu.

³Tipemphererenimbo ife towera Mulungu atipase mwayi wakuti tilalike mphangwa zache zakulonga pyakubisika pya Khristu. Ndi thangwi yache ine lero ndili m'perezo.

⁴Pempherani kuti ndilalike mwakuveka mphangwa zachezi ninga munathema ine kuzilalika.

⁵Khalani anzeru na mule munakhalira imwe na anthu akunja, pakuphatisa basa mwayi onsene una imwe.

⁶Ndzidzi onsene unalonga imwe, mafalanu athema kukhala adidi pontho akuganyalisa, pontho mwathema kudziwa kutawira mwadidi mungalongesana na munthu onsene.

⁷Mbaleathu wapamtima, Tikiko, ule ndi nyabasa wakukhulupirika, pontho nyabasa mwanzathu pabasa ya Mbuya, anakupangani pyonsene pya ine.

⁸Ndi thangwi yache ndikumtuma kuna imwe, towera akusisimuseni pakukupangani pya mule munakhalira ife tonsene.

⁹Iye akutsagana na Onesimo, mbaleathu wapamtima, pontho wakukhulupirika wa m'gulu mwanu ule. Iwo anakupangani pyonsene pinachitika kuno.

¹⁰Aristariko, nyaperezo mwanzanga, pontho na Maliko, mdzukulu wa Barnaba ule, akukupasani mwenyikiro. Imwe mwava kale kuti mumtambire mwadidi, Maliko angabwera kwanuko.

¹¹Yoswa, ule ambadziwika pontho na dzina yakuti Yusito, akukupasanimbo mwenyikiro. Anthu atatuwa ngokhawa Ayuda adasanduka anyakukhulupira, ale adandiphedza pabasa ya Ufumu wa Mulungu, pontho iwo andiphedza pikulu pene.

¹²Epafra, mbodzi wa m'gulu mwanu, pontho nyabasa wa Khristu Yesu, akukupasani mwenyikiro. Ndzidzi onsene iye ambakupemphererani pikulu kuna Mulungu kumpempha kuti imwe mukhale anthu akuimira dzololo ninga akhristu akukola, pontho akukhulupira chadi-chadi, na kuvera monsene mwene pinafuna Mulungu.

¹³Ine ene ndekha ndinakwanisa kuchitira umboni basache idaphata iye mwakuwangisa kukuphatirani, pontho idaphatira iye anthu a ku Laodikea na Hieropoli.

¹⁴Luka, shamwaliathu wapamtima, ule ndi mng'anga, pontho na Dema akukupasani mwenyikiro.

¹⁵Tiperekerenimbo mwenyikiro kuna abale mu Laodikea, na kuna Nimfa, pontho na kuna mpingo, ule umbagumanyikana m'nyumba mwache.

¹⁶Kalatayi ingamala werengwa pakati panu, ikawerengwembo kuna mpingo wa ku Laodikea. Pandzidzi onthowo mwathema kuwerengambo kalata inafuna dzakutumizirani mpingo wa ku Laodikea.

¹⁷Pangani Arikipo kuti, “Onesesa mwadidi kuti basa idakupasa Mbuya waimalisa.”

¹⁸Ndikulemba na dzanja yangayi mafala awa: Mwenyikiro kubulukira kuna ine, Paulo. Kumbukani kuti ine ndamangwa na njema. Kukoma mtima kwa Mulungu kukhale namwe.