Read cisena YOSWA 12 Bible Online

YOSWA 12 - cisena bible

YOSWA 12

¹Aisraele akhadakunda kale na kukwata dziko yonsene yakumabulukiro dzuwa a mkulo wa Yorodani kubulukira kuphedi ya Arinoni mpakana kuphedi ya mkulo wa Yorodani kumpoto kwa phiri ya Herimoni. Iwo adakunda mafumu mawiri.

²Mbodzi akhali Sihoni mfumu wa Aamori ule akhatonga dziko ya Heshiboni. Pa ufumu wache adathimizapo khundu inango ya Gileadi: kubulukira ku Aroeri (m'khundu-khundu mwa phedi ya Arinoni) na mzinda wa[3] pakati na kati pa phedi mpakana kumkulo wa Yaboki, madire a Amoni;

³kuthimizapo phedi ya mkulo wa Yorodani kubulukira kunyanza ya Galilea kwenda kumwera ku Beti-Yeshimoti (kumabulukiro dzuwa a Nyanza Yakufa), pontho kwenderatu m'tchinde mwa phiri ya Pisiga.

⁴Iwo adakunda pontho Mfumu Ogi wa ku Bashani, ule akhali mbodzi wa anthu akumalisira a Arefaimu; iye adatonga ku Ashitaroti na Edrei.

⁵Pa ufumu wachewo adathimizapo phiri ya Herimoni, Saleka na nthemba yonsene ya Bashani mpakana kumadire a Geshuri na Maaka, pontho na khundu inango ya nthemba ya Gileadi kufikiratu kudziko ya Mfumu Sihoni wa ku Heshiboni.

⁶Mafumu mawiri enewa adakundwa na Mose, pontho na anthu onsene a ku Israele. Mose nyabasa wa MBUYA adapereka dziko ya mafumu enewa kuna madzinza a Gadi na Rubeni, pontho na Manase wakumabulukiro dzuwa kukhala yawo ene.

⁷Yoswa pabodzi pene na Aisraele adakunda mafumu onsene a nthemba yakumadokero dzuwa a mkulo wa Yorodani kubulukira ku Baala-Gadi m'phedi ya Lebanoni mpakana kuphiri ya Halaki kumwera chifupi na Edomu. Yoswa adagawa dziko yonsene ile pakati pa madzinza adasala ale mbaipereka kukhala yawo ene.

⁸Khundu yonsene nkhuthimizapo nthemba ya mapiri, m'tchinde mwa mapiri akumadokero dzuwa, phedi ya Yorodani na m'tchinde mwa mapiri ache, mbuto zakubidira zakumadokero dzuwa, nthemba zakuuma pontho na thando yatchetcha ya Negebu. Dziko yeneyi ikhali ya Ahiti, Aamori, Akanani, Aperizi, Ahivi na Ayebusi.

⁹Aisraele adakunda mafumu a m'mizinda ishi; Yeriko, Ai, (chifupi na Betele),

¹⁰Yerusalemu, Hebroni,

¹¹Yarimuti, Lakishi,

¹²Egiloni, Gezeri,

¹³Debiri, Gederi,

¹⁴Horima, Aradi,

¹⁵Libina, Adulamu,

¹⁶Makeda, Betele,

¹⁷Tapua, Hefere,

¹⁸Afeki, Lasharoni,

¹⁹Madoni, Hazori,

²⁰Shimironi Meroni, Akishafu,

²¹Taanaki, Megido,

²²Kedeshi, Yokoneamu (mu Karimele)

²³Dori, (m'gombe-gombe), Goimu (m'Galilea),[4]

²⁴na Tiriza. Mafumu onsene akhali makumatatu na mbodzi.