Read cisena YOSWA 15 Bible Online

YOSWA 15 - cisena bible

YOSWA 15

¹Dzinza ya Yuda kada banja adatambira khundu ibodzi ya dziko ile ninga tenepa: Dziko ile idafika kumwera chadi-chadi kwa thando yatchetcha ya Zini pamadire a Edomu,

²Madire enewa akumwera adatomera kumadolomero akumwera kwa Nyanza Yakufa

³kwendera kumwera kubulukira kunjira ya pamtelero ya Akarabimu mpakana ku Zini. Adenda na kumwera kwa Kadeshi Barinea, kugwanda na pa Hezironi mpakana ku Adari mbazungunuka kuyang'ana ku Karika,

⁴mbathimiza kwenda ku Azimoni, pontho adagwanda na mumkulo okhokha m'madire a Iguputo mpakana ku Bara ya Mediterania, kule kudadolomera madire awo. Enewa ndiye akhali madire akumwera a Yuda.

⁵Madire ache akumabulukiro dzuwa akhali Nyanza Yakufa mpakana padadolomera mkulo wa Yorodani kugwera m'Nyanza Yakufayi. Madire ache akumpoto adatomera penepo,

⁶mbafumuka mpakana ku Beti-Hogila mbaenda kumpoto kwa madire a mkulo wa Yorodani. Kubuluka penepo adenda mpakana ku Mwala wa Bohani (Bohani akhali mwana Rubeni),

⁷kubulukira ku Phedi ya Nyatwa mpakana ku Debiri, kubuluka penepo adazungunukira kumpoto kuyang'ana ku Giligala, ale adayang'ana njira ya pamakata a Adumimu kukhundu yakumwera kwa phedi ile. Kubuluka penepo adathimiza kwenda ku mphuno za madzi za Enishemeshi kunja kwa Enirogele,

⁸mbagwanda na pa phedi ya Beni-Hinomu kukhundu yakumwera kwa phiri, kule kukhali mzinda wa Yerusalemu wa Ayebusi. Kubuluka penepo madire awo adathimizika basi mpakana pansonga ya phiri ya kukhundu yakumadokero dzuwa a phedi ya Hinomu kunkhomo yakumpoto kwa phedi ya Refaimu.

⁹Kubuluka penepo madirewo adathimiza kwenda kumphuno za madzi za Nefitoa na kunja kwa mizinda ya chifupi na phiri ya Eferoni. Kubuluka penepo adazungunuka kwendera ku Baala (penu Kiriati-Yearimu),

¹⁰kule kudazungulira iwo kwenda kumadokero dzuwa a Baala kwendera kunthemba ya mapiri a Seiri, adathimiza kwenda kukhundu yakumpoto kwa phiri ya Yearimu, (penu Kesaloni) kubidira ku Beti-Shemeshi pontho kugwanda na pa Timina.

¹¹Madirewo adathimiza basi kufumukira kuphiri kumpoto kwa Ekroni mbazungulira ku Shikeroni kugwanda na phiri ya Baala mpakana ku Yaminia mbakadolomera pa Bara ya Mediterania,

¹²madire akumadokero dzuwa. M'madire enewa mukhakhala mabanja a dzinza ya Yuda.

¹³Ninga montho mudalongera MBUYA kuna Yoswa, khundu ibodzi ya nthemba ya Yuda idaperekwa kuna Kalebu mwana Yefune wa dzinza ya Yuda. Iye adapaswa Hebroni mzinda ule ukhali wa Ariba, babache Anaki.

¹⁴Kalebu adathamangisa pidzukulu pya Anaki mumzindamo. Enewa ndi nkhonda Sheshai, Ahimani na Talimai.

¹⁵Kubuluka penepo iye adenda kasosa anthu a mu Debiri. Mzinda wenewu ukhachemerwa na dzina yakuti Kiriati-Seferi.

¹⁶Kalebu adalonga mbati, “Munthu anapikwanisa kukunda Kiriati-Seferi ndinampasa Akisa, mwananga wamkazi kuti akhale mkazache.”

¹⁷Oteniele, mwana wamamuna wa Kenazi, mbaleache Kalebu adaukunda mzinda ule, natenepo Kalebu adapereka Akisa mwanache wamkazi ule kuna Oteniele kuti akhale mkazache.

¹⁸Pansiku yakukazhali Oteniele adadembetera mankhadziache ule[6] kupempha babache pya munda. Natenepo mkazi ule adatchitha pabulu wache, tenepo Kalebu adamvunza chikhafuna iye.

¹⁹Iye adatawira mbati, “Mbuto yatipasa imweyi ili m'thando yatchetcha ya Negebu, tenepo tinafuna mbuto inango ene yakukhala na madzi.” Natenepo Kalebu adapereka kuna iye mbuto yadidi yakukhala na mphuno za madzi, kumtunda na kuphedi kwene.

²⁰Ishi ndi nthemba idatambira dzinza ya Yuda kada banja kukhala yawo ene.

²¹Maluwani akutali kumwera ale akhali awo, ale adachita madire na Edomu akhali; Kabizeele, Ederi, Yaguri,

²²Kina, Dimona, Adada,

²³Kedeshi, Hazori, Ithinani,

²⁴Zifi, Telemu, Bealoti,

²⁵Hazori-Hadata, Kerioti Hezironi (penu Hazori),

²⁶Amamu, Shema, Molada,

²⁷Hazari-Gada, Heshimoni, Beti-Peleti,

²⁸Hazari-Shuali, Beeresheba, Biziotia,

²⁹Baala, Iimu, Ezemu,

³⁰Elitoladi, Kesili, Horima,

³¹Zikilagi, Madimana, Sanisana,

³²Lebaoti, Shilihimu, Aini, na Rimoni, onsene pabodzi pene akhalipo maluwani makumawiri na mafemba na midzi yache ene.

³³Maluwani a m'tchinde mwa phiri kumabulukiro dzuwa akhali Eshitaoli, Zora, Ashina,

³⁴Zanoa, Eni-Ganimu, Tapua, Enami,

³⁵Yarimuti, Adulamu, Soko, Azeka,

³⁶Shaaraimu, Aditaimu, Gedera na Gederotaimu, maluwani khumi na manayi na midzi yache ene.

³⁷Pakhali pontho Zenani, Hadasha, Migidali-Gadi,

³⁸Dileani, Mizipa, Yokoteele,

³⁹Lakishi, Bozikati, Egiloni,

⁴⁰Kaboni, Lahimasi, Kitilishi

⁴¹Gederoti, Beti-Dagoni, Naama na Makeda, maluwani khumi na matanthatu na midzi yache.

⁴²Pakhali pontho Libina, Etheri, Ashani,

⁴³Ifita, Ashina, Nezibi,

⁴⁴Keila, Akizibu na Maresha, maluwani mafemba na midzi yache.

⁴⁵Pakhali Ekroni na maluwani pontho na midzi yache yakuzungulira;

⁴⁶kumadokero dzuwa a Ekroni, maluwani onsene ale akhali pansi pa utongi wa Ashidodi, pabodzi pene na midzi yawo.

⁴⁷Pakhali pontho Ashidodi na Gaza, pabodzi pene na maluwani na midzi yawo yakuzungulira, kwenderatu ku madire a Iguputo na m'khundu-khundu mwa Bara ya Mediterania.

⁴⁸M'nthemba ya mapiri pakhali Shamiri, Yatiri, Soko,

⁴⁹Dana, Kiriati-Sana, (weneyu ndi Debiri),

⁵⁰Anabu, Eshitemo, Animu,

⁵¹Gosheni, Holoni na Gilo, maluwani khumi na ibodzi na midzi yawo.

⁵²Pakhali Arabu, Duma, Eshani,

⁵³Yanimu, Beti-Tapua, Afeka,

⁵⁴Humita, Kiriati-Ariba (weneyu ndi Hebroni) na Ziori, maluwani mafemba na midzi yawo.

⁵⁵Pakhali Maoni, Karimele, Zifi, Yuta,

⁵⁶Yezereele, Yokideama, Zanoa,

⁵⁷Kaini, Gibea na Timina, maluwani khumi na midzi yache.

⁵⁸Pakhali Halihuli, Beti-Zuri, Gedori,

⁵⁹Maarati, Beti-Anoti na Elitekoni, maluwani matanthatu na midzi yache.

⁶⁰Pakhali Kiriati-Baala (weneyu ndi Kiriati-Yearimu) na Raba, maluwani khumi na midzi yache.

⁶¹M'thando yatchetcha mukhali Beti-Araba, Midini, Sekaka,

⁶²Nibishani, Mzinda wa Munyu, pontho na Engedi, maluwani matanthatu na midzi yache.

⁶³Mbwenye anthu a dzinza ya Yuda hadakwanise kuthamangisa Ayebusi akhakhala mu Yerusalemu ale tayu. Ayebusi akuthimiza kukhala mwenemo pabodzi pene na anthu a dzinza ya Yuda.