Read cisena YOSWA 21 Bible Online

YOSWA 21 - cisena bible

YOSWA 21

¹Kubuluka penepo akadamu a mabanja a Alevi adadza pamaso pa Eleazara nyansembe, Yoswa mwana Nuni na akadamu anango a mabanja a madzinza anango a Aisraele

²pa Shilo mu Kanani mbalonga kuna iwo mbati, “MBUYA adalonga kudzera muna Mose kuti imwe mutipase maluwani kuti tikhalemo, pontho na mbuto za mpovu zakudyesera pifuyo pyathu.”

³Natenepo, ninga montho mudalongera MBUYA Aisraele kubulukira pa nthemba zawo adapereka kuna Alevi maluwani na mbuto za mpovu zakudyesera pifuyo pyawo. Maluwani na mbutozi mphipi:

⁴Ntsango yakutoma idachitika mbigwera mabanja a nkhonda Kohati. Alevi akhali pidzukulu pya Aroni ale adapaswa maluwani khumi na matatu kubulukira kuna madzinza a Yuda, Simioni na Benjemani ule.

⁵Anango onsene a nkhonda Kohati adapaswa maluwani khumi kubulukira kuna mabanja a madzinza a Dani, Eferemu na Manase wakumadokero dzuwa.

⁶Nkhondo Gereshoni idapaswa maluwani khumi na matatu kubulukira kuna mabanja a madzinza a Isakara, Asheri, Nafitali, na Manase wakumabulukiro dzuwa mu Bashani.

⁷Nkhondo Merari idatambira maluwani khumi na awiri kubulukira kuna mabanja a madzinza a Rubeni, Gadi, na Zebuloni.

⁸Natenepo enewa ndiye akhali maluwani na mbuto za mpovu zakudyeserapo pifuyo pidapereka Aisraele pakuchita ntsango[11] kuna dzinza ya Levi ninga montho mudalongera Mulungu kudzera muna Mose.

⁹Maluwani adapereka Aisraele kubulukira kuna madzinza a Yuda na Simioni

¹⁰kuna pidzukulu pya Aroni, ale mbankhonda Kohati a m'dzinza ya Levi, podi ntsango yakutoma idagwera iwo mbawa:

¹¹luwani ya Kiriati-Ariba (Ariba akhali baba wa Anaki), luwani ile chinchino imbadziwika na Hebroni, m'nthemba ya mapiri ya Yuda pabodzi pene na mbuto za mpovu zakuzungulira luwaniyo.

¹²Kwache minda ya luwaniyo na midzi yakuizungulira ikhadaperekwa kale kuna Kalebu mwana Yefune kukhala yache ene.

¹³Kuthimizira pa Hebroni (ule ukhali ubodzi mwa mizinda yakuthawirako), pidzukulu pya Aroni nyansembe pidapaswa pontho mizinda ishi: Libina,

¹⁴Yatiri, Eshitemoa,

¹⁵Holoni, Debiri,

¹⁶Aini, Yuta, na Beti-Shemeshi, pabodzi pene na mbuto zawo za mpovu: maluwani onsene pabodzi akhalipo afemba kubulukira kuna madzinza a Yuda na Simioni.

¹⁷Kubulukira m'nthemba ya dzinza ya Benjemani, iwo adapaswa maluwani manayi: Gibeoni, Geba,

¹⁸Anatoti, na Alimoni pabodzi pene na mbuto zawo za mpovu.

¹⁹Maluwani enewa khumi na atatu pabodzi pene na mbuto zawo za mpovu zidaperekwa kuna anyansembe, pidzukulu pya Aroni.

²⁰Mabanja anango a nkhonda Kohati a m'dzinza ya Levi adapaswa maluwani kubulukira kuna dzinza ya Eferemu.

²¹Iwo adapaswa Shekemu na mbuto zache za mpovu m'nthemba ya mapiri ya Eferemu (ubodzi mwa mizinda yakuthawirako), Gezeri,

²²Kibzaimu na Beti-Horoni pabodzi pene na mbuto zawo za mpovu. Onsene pabodzi akhalipo maluwani manayi.

²³Kubulukira m'dziko ya Dani adapaswa mizinda minayi: Eliteke, Gibetoni,

²⁴Aialoni na Gati-Rimoni, pabodzi pene na mbuto zawo zampovu.

²⁵Kubulukira kudzinza ya Manase yakumadokero dzuwa idapaswa maluwani mawiri: Taanaki na Gati-Rimoni pabodzi pene na mbuto zawo za mpovu.

²⁶Mabanja enewa a nkhonda Kohati, onsene pabodzi pene adatambira maluwani khumi pabodzi pene na mbuto zawo za mpovu.

²⁷Gulu inango ya dzinza ya Levi ale mbankhondo Gereshoni adatambira mizinda miwiri kubulukira kudzinza ya Manase wakumabulukiro dzuwa: Golani m'Bashani, ubodzi mwa mizinda yakuthawirako, na Beeshitera, pabodzi pene na mbuto zawo za mpovu.

²⁸Kubulukira kuna dzinza ya Isakara iwo adatambira maluwani manayi: Kishioni, Daberati,

²⁹Yarimuti, na Eni-Ganimu, pabodzi pene na mbuto zawo za mpovu.

³⁰Kubulukira kuna dzinza ya Asheri iwo adatambira maluwani manayi: Mishali, Abidoni,

³¹Helekati na Rehobu, pabodzi pene na mbuto zawo za mpovu.

³²Kubulukira kuna dzinza ya Nafitali iwo adatambira maluwani matatu: Kedeshi m'Galilea (ubodzi mwa mizinda yakuthawirako), pabodzi pene na mbuto zawo za mpovu, Hamoti-Dori, Karitani, pabodzi pene na mbuto zawo za mpovu.

³³Mabanja onsene a nkhondo Gereshoni, onsene pabodzi pene adatambira maluwani khumi na matatu pabodzi pene na mbuto zawo za mpovu.

³⁴Anthu anango onsene a dzinza ya Levi, ale akhali nkhonda Merari, adatambira maluwani manayi kubulukira kuna dzinza ya Zebuloni. Maluwani ache mbawa; Yokoneamu, Karita,

³⁵Dimina na Nahalali pabodzi pene na mbuto zawo za mpovu.

³⁶Kubulukira kuna dzinza ya Rubeni iwo adatambira maluwani manayi; Bezeri, Yahazi,

³⁷Kedemoti na Mefaati pabodzi pene na mbuto zawo za mpovu.

³⁸Kubulukira kuna dzinza ya Gadi, iwo adatambira maluwani manayi: Ramoti m'Gileadi (ubodzi mwa mizinda yakuthawirako) pabodzi pene na mbuto zawo za mpovu, Mahanaimu,

³⁹Heshiboni na Yazere pabodzi pene na mbuto zawo za mpovu.

⁴⁰Natenepo mabanja a nkhonda Merari, onsene pabodzi pene adatambira maluwani khumi na mawiri.

⁴¹Kubulukira nthemba yonsene idapaswa Aisraele maluwani makumanayi na asere, pabodzi pene na mbuto zawo za mpovu kuzungulira maluwani enewa adaperekwa kuna dzinza ya Levi.

⁴³Natenepo MBUYA adapereka dziko yonsene, ile ikhadadumbira iye kuna makolo awo. Pidaikwata iwo, adakhazikika mwenemo.

⁴⁴MBUYA adaapasa mtendere m'dziko monsenemo ninga montho mukhadadumbira iye kuna makolo awo. Nee mbodzi wa anyamalwawo adapiyesera kuthimbana nawo tayu, thangwi MBUYA adapereka mphamvu kuna Aisraele zakukunda nazo anyamalwawo.

⁴⁵MBUYA adachita pyonsene pikhadadumbira iye kuna Aisraele.