Read cisena 3 YOHANI 1 Bible Online

3 YOHANI 1 - cisena bible

3 YOHANI 1

¹Kubulukira kuna Mkulu wa mpingo. Kwenda kuna shamwalianga wapamtima, Gayo, ambafuna ine na mtima wakuonadi ule.

²Shamwalianga wapamtima, ndimbapemphera kuti pyonsene pikufambire mwadidi, pontho kuti ukhale wakuwanga kumanungo ninga mumbapidziwira ine kuti moyo wako wauzimu ngwakuwanga.

³Ndidakomerwa pyakwanga pidafika abale anango achikhristu mbandipanga kukhulupirika kwako kuna pyakuonadi ninga kuteweza pyakuonadi kumbachita iwe ndzidzi onsene.

⁴Nkhabe chinango chakundikomera pikulu kupiringana kuva kuti ananga ambateweza pyakuonadi.

⁵Shamwali wapamtima ndiwe wakukhulupirika pyakwanga pabasa imbaphatira iwe akhristu anzako podi kwene kuti iwo mbalendo kuna iwe.

⁶Iwo adapanga mpingo kuno pya kuafuna kudachita iwe. Uaphedze mwakukomera Mulungu, towera athimize ulendo wawo.

⁷Thangwi adalamuka ulendo wawo kuphatira basa Khristu mbakhonda chiphedzo chakubulukira kuna anyakukhonda khala akhristu.

⁸Ifembo akhristu tathema kuaphedza anthu enewa, towera tikwate khundu pabasawo inaphata iwo kuvekesa pyakuonadi.

⁹Ndidalemba kalata yachigwandira kuna mpingo, mbwenye Diotrefe, nyakuthanda kukhala mkadamu pakati pawo, nkhabe dzavesera pinalonga inepi tayu.

¹⁰Tenepo ndingadza ndinakumbusa mabasa onsene ambaphata iye, pinthu pyakuipa pontho tsweda pimbatilongera iye pile. Kwache pimbachita iye si pyokhapyo tayu; iye ambakhonda kutambira abale achikhristu, pontho podi na anthu ene ambafuna kuatambira ale, iye ambayesa kuabulusa mumpingo.

¹¹Shamwalianga wapamtima, leka tsanzira pinthu pyakuipa, mbwenye utsanzire pinthu pyadidi. Munthu ambachita pinthu pyadidi, weneyo ngwache wa Mulungu, mbwenye nyakuchita pyakuipa, weneyo hadaone Mulungu tayu.

¹²Munthu onsene ambachitira Demetrio umboni wadidi. Na pyakuonadi pene pimbamchitira umboni, na ife enembo tinamchitira umboni, pontho iwe ukupidziwa kuti pinalonga ifepi mphyakuonadi.

¹³Ndina pizinji pyakuti ndikupangeni, kwache sinafuna kuti ndichite kupilemba m'kalata tayu.

¹⁴Ndikudikhira kukuona chinchino pano, penepo tinalonga maso na maso.

¹⁵Mtendere mbukhale nawe. Ashamwali ako akupereka mwenyikiro kuna iwe. Upereke mwenyikiro kuna ashamwali athu onsene na madzinawo.