Read NQAARIIT NE ROOG Mberaand 10 Bible Online

Mberaand 10 - NQAARIIT NE ROOG bible

Mberaand 10

¹Keeke ndefu a kon ake na xa taan axe na xa ƥiy axeeke na Nowe: Seem fa Xaam fa Yafet. A ndima xa ƥiy cinj o jaɓ o maak ole.

²Xa ƥiy axe Yafet ndefu: Gomeer, Magog, Madaay, Yawan, Tubal, Mesek fa Tiraas.

³Xa ƥiy axe Gomeer ndefu: Askenaas, Rifat fa Togarma.

⁴Xa ƥiy axe Yawan ndefu: Elisa, Tarsis, Kitiim fa Rodaniim[20].

⁵Weene ndefu we mayƭandna a pimb ake no qeet ke no saax den, a ngen’u na xa kos axe fo paam o maag ole[21], wuu ndefna na lak den a reefandel na qaw den kam xeet den.

⁶Xa ƥiy axe Xaam ndefu: Kuus, Misira[22], Puut fa Kanaan.

⁷Xa ƥiy axe Kuus ndefu: Seeba, Hawila, Sabta, Raama fa Sabteeka. Xa ƥiy axe Raama ndefu: Saba fa Dedaan.

⁸Kuus rimu itam a Nimrood fee eetna o ref a salma-koor took lanq ke.

⁹O qaaxawlax o maak a reeƭu mbaambir no Yaal oxe. Ten taxu ta layeel ee «nen a Nimrood, o qaaxawlax o maak oxe mbaambir no Yaal oxe».

¹⁰A maadooxa eetu kam Babel, a doon teen a maadoox kam Erek fa Akad fa Kalne no saax laa Sine’aar[23].

¹¹No saax leene Nimrood a inooru, a ret Asuur, a sinj teeru fee Niniif, fa fee Rehobot-Iir fa fee Kalax

¹²fa teeru fa maak fee Resen refna ndeer Niniif fa Kalax.

¹³Misira refu o taan no Luuluud we, Aa-anam we, Leelehab we, Naanaftu we,

¹⁴Paapatrus we, Kaakaftoor we fo Kaakaslu we, andoona yee na den Fiifilista we a mbaqaqooru.

¹⁵Kanaan rimu a Sidoŋ fee taaw um fa Heet,

¹⁶a ref o taan no Yeeyebus we, Aa-amori we, Giigirgasi we,

¹⁷Hiihiwi we, Aa-arki we, Siisini we,

¹⁸Aa-arwad we, Seesemari we fo Haahamat we. Cinj kaaga, a qaw ake no Kaakanaan we a pictoora.

¹⁹O fiisel ole no Kaakanaan we oxaa xotta Sidoŋ, a sag Geraar boo a damik Gaasa, a puloox a jagin Sodoom, Gomoor, Adma fa Seboyiim boo a damik Lesa.

²⁰Weene ndefu xa taan axe Xaam, a reefandel na qaw den, na lak den, na saax den fo no qeet den.

²¹Seem a jeg’a xa ƥiy itam, ten refu o taan no Ee-ebeer we. Seem feene refu o maag Yafet, a ref taaw Nowe.

²²Xa ƥiy axe Seem ndefu: Elam, Asuur, Arpaksad, Luud fa Araam.

²³Xa ƥiy axe Araam ndefu: Uus, Hul, Geteer fa Maas.

²⁴Arpaksad rimu a Seelax, soo Seelax a rim a Ebeer.

²⁵Ebeer a jeg’a xa ƥiy xa ƭaq, o leng oxe Peleg a ne’’e, yaam na jamaane um lanq ke a nqaajoox’u, soo o ndeɓ um a ne’el Yoktan.

²⁶Xa ƥiy axe Yoktan ndefu: Almodaad, Selef, Hacarmawet, Yerax,

²⁷Hadoram, Uusal, Dikla,

²⁸Obal, Abima’el, Saba,

²⁹Ofiir, Hawila fa Yobaab. Weene fop xa ƥiy Yoktan a ndefu.

³⁰Owe ngen’a no ke xotitna Meesa farna fa Sefaar, boo na xa coong axaa no batand.

³¹Weene ndefu xa taan axe Seem, a reefandel na qaw den, na lak den, na saax den fo no qeet den.

³²Keene ndefu a qaw ake na xa ƥiy axe Nowe a reefandel no ne da ndeepatiritna kam qeet ke. Na den qeet ke a mbaqaqooru soo a pictoor took lanq ke.