Read NQAARIIT NE ROOG Mberaand 36 Bible Online

Mberaand 36 - NQAARIIT NE ROOG bible

Mberaand 36

¹Keeke ndefu a kon ake na xa taan axe Esawu fee xoyoogahineena Edoom.

²Esawu a xotit’a rew we ten a ndeer no Kaakanaan we, da ndef Aada fee o ƥiy o ndew Elon o Heeheet oxe fa Oholibaama fee o ƥiy o ndew Aana, too a ref o ndaan Sibe’on o Hiihiwi xe fa

³Basmat fee o ƥiy o ndew Isma’el, too a ref o cigeen Nebayot.

⁴Aada a rimana a Esawu a Elifaas, Basmat a rim a Rewel,

⁵soo Oholibaama a rim a Yewus, Ya’elaam fa Koora. Weene ndefu xa ƥiy axe Esawu ndimteena Kanaan.

⁶Esawu a xota rew we ten, xa ƥiy xa koor fo xa tew axe ten, wiin mbind um fop, xa siir axe ten fo kalal ke ta jeg’ina no saax laa Kanaan fop, soo a xot a ƭat, a ret no saax lakas maa goƭna a Yakoob fee o ndeɓ um.

⁷Oxuu refna na den kaa jeg’u halal fa mayu boo nqeƈ’atee o mbiñ o leng, too o jegel ole da ndeeƭna dey’atee a den yaam xa siir xa magnoodu xe den.

⁸Neene, Esawu fee xoyoogahineena Edoom a genka na xa coong axaa Seyiir.

⁹Keeke ndefu a kon ake na xa taan Esawu fee o taan no Ee-edoom we, ngenoogna no joong olaa Seyiir:

¹⁰Keeke ndefu a kon ake na xa ƥiy xa koor axe Esawu: Elifaas fee o ƥiy Aada fee o tew Esawu fa Rewel fee o ƥiy Basmat fee o tew Esawu.

¹¹Xa ƥiy axe Elifaas ndefu: Temaan, Omar, Sefo, Gayetaam fa Kenaas.

¹²Timna reeƭu ngeƈ-a-salma ne Elifaas fee o ƥiy Esawu. A rima fa Elifaas a Amalek. Weene ndefu xa taan axe Aada fee o tew Esawu.

¹³Weeke ndefu xa ƥiy axe Rewel: Nahat, Serax, Sama fa Misa. Weene ndefu xa taan axe Basmat fee o tew Esawu.

¹⁴Oholibaama fee o ƥiy o ndew Aana too a ref itam o ndaan Sibe’on a rima fa Esawu a Yewus, Ya’elaam fa Koora.

¹⁵Weeke ndefu kelfa ke na carind ake mbaqaqoorna na Esawu. Weeke ndefu xa ƥiy axe Elifaas fee taaw Esawu: Temaan, Omar, Sefo, Kenaas,

¹⁶Koora, Gayetaam fa Amalek. Weene ndefu kelfa ke mbaqaqoorna na Elifaas kam saax laa Edoom, a ndef xa taan Aada.

¹⁷Weeke ndefu xa ƥiy axe Rewel fee o ƥiy Esawu: Nahat, Serax, Sama fa Misa. Weene ndefu kelfa ke mbaqaqoorna na Rewel kam saax laa Edoom, a ndef xa taan Basmat fee o tew Esawu.

¹⁸Weeke ndefu xa ƥiy axe Oholibaama fee o tew Esawu: Yewus, Ya’elaam fa Koora. Weene ndefu kelfa ke mbaqaqoorna na Oholibaama fee o ƥiy o ndew Aana too a ref o tew Esawu.

¹⁹Weene ndefu xa ƥiy axe Esawu fo kelfa ke na carind den. Esawu refu ref Edoom.

²⁰Weeke ndefu xa ƥiy axe Seyiir o Koohori xe ngenoogna no saax le yaaga: Lotan, Sobal, Sibe’on, Aana,

²¹Dison, Eseer fa Disan. Weene ndefu kelfa ke no Hoohori we, ndefna ndef xa ƥiy axe Seyiir kam saax le Edoom:

²²Xa ƥiy axe Lotan ndefu: Hori fa Hemaam. O cigeen oxe Lotan refu Timna.

²³Weeke ndefu xa ƥiy axe Sobal: Alwaan, Manahat, Ebal, Sefo fa Onaam.

²⁴Weeke ndefu xa ƥiy axe Sibe’on: Aya fa Aana. Aana feene ga’’u a cur a sumu ke kam a koƥ-a-ƥor alaa, a soƥ ta gayaa xa paam axe Sibe’on fee faap um.

²⁵Xa ƥiy axe Aana ndefu: Dison fee o koor fa Oholibaama fee o tew.

²⁶Xa ƥiy axe Dison ndefu: Hemdaan, Esban, Yitran fa Keran.

²⁷Xa ƥiy axe Eseer ndefu: Bilhan, Saawan fa Akan.

²⁸Xa ƥiy axe Disan ndefu: Uus fa Aran.

²⁹Weeke ndefu kelfa ke no Hoohori we: Lotan, Sobal, Sibe’on, Aana,

³⁰Dison, Eseer fa Disan. Weene ndefu kelfa ke no Hoohori we no saax laa Seyiir.

³¹Weeke ndefu maad we maadooxna kam saax laa Edoom, yaaga Isra’el jegafulee o maad.

³²Bela fee o ƥiy Bewoor a maadooxa kam Edoom, gon le na teeru fee ten refu Dinhaba.

³³Bela a xona, soo Yobaab fee o ƥiy Serax fee genna Bosra a rondandin no maat naa.

³⁴Yobaab a xona, soo Husaam fee no saax laa no Teetemaan waa a rondandin no maat naa.

³⁵Husaam a xona, soo Hadad fee o ƥiy Bedad a rondandin no maat naa. Ten o mat xaw’u Maamajan we na xa saawit axe Mowaab. Awit reeƭu teeru fee ten.

³⁶Hadad a xona, soo Samla fee genna Masreka a rondandin no maat naa.

³⁷Samla a xona, soo Sawul fee genna Rehobot fee no xuluɓ ole a rondandin no maat naa.

³⁸Ye Sawul a xonna, Baal-Haanan fee o ƥiy Akboor a rondandaan no maat naa.

³⁹Baal-Haanan fee o ƥiy Akboor a xona, soo Hadar a rondandin no maat naa. Teeru fee ten Paw a ne’’e, o teem a ne’el Mehetaabeel, a ref o ƥiy o ndew Matared fee o ƥiy o ndew Me-Sahab.

⁴⁰Keeke ndefu a kon ake no kelfa ke mbaqaqoorna na Esawu a reefandel na qaw den fo no fiisel den fo na kon den: Timna, Alwa, Yetet,

⁴¹Oholibaama, Eela, Pinon,

⁴²Kenaas, Temaan, Mibsaar,

⁴³Magdi’el fa Iraam. Weene ndefu kelfa ke Edoom fo kenand den kam saax le da njeg’ina. Esawu refu o taan no Ee-edoom we.