Read NQAARIIT NE ROOG 1 Caloori ke 24 Bible Online

1 Caloori ke 24 - NQAARIIT NE ROOG bible

1 Caloori ke 24

¹Xa taan axe Aaroon a nqaaj’e a yaj a yaj. Aaroon a jeg’a xa ƥiy xa nahaq, da ndef Nadab, Abiihu, Eleyasaar fa Itamaar.

²Nadab fa Abiihu eet’u o nqon a faap den too njeg’ee xa ƥiy, ten taxu Eleyasaar fa Itamaar soom mbadnoogu calel no saasadax ke.

³Dawid fa Saadok fee fogna na xa taan axe Eleyasaar fa Ahimelek fee fogna na xa taan axe Itamaar a nqaaja a den, a ndeefandin no far den no calel ke.

⁴A ngorooxa yee xa taan axe Eleyasaar moƴ’u o may yaal ƥasil ee xa taan axe Itamaar, soo da nqaajtel naa andoona yee xa taan axe Eleyasaar a njeg’a aa-adax xarɓaxay fo aa-adax ɓetuu fa leng, we na xa taan axe Itamaar o mat a njeg ɓetuu daduk.

⁵Den fop a nqaaje na pexey mbanjang ne, yaam a jeg’a aa-adax we no Mbind tedu ne fo aa-adax we Roog a ndeer xa taan axe Eleyasaar fo axe Itamaar.

⁶Semaya fee o piibind oxe too a ref o ƥiy Netanel na carind ale Lewi a binda a den mbaambir o maad oxe fo kelfa ke, mbaambir Saadok fee o saasadax oxe fa Ahimelek fee o ƥiy Abiyataar fo mbaambir yaal ƥasil ke no saasadax we fo ke no Leelewi we. A qaw ale Eleyasaar a mbanjangane a caf a ƭak, soo ale Itamaar jaf leng kut.

⁷Mbanjang eetaand ne a yena na Yoyarib, ƭikandeer ne na Yedaya,

⁸ndadkandeer ne na Harim, nahkandeer ne na Se’orim,

⁹ƥetkandeer ne na Malkiya, ɓetuu fa lengandeer ne na Miyamin,

¹⁰ɓetuu ƭikandeer ne na Hakos, ɓetuu ndadkandeer ne na Abiya,

¹¹ɓetuu nahkandeer ne na Yesuwa, xarɓaxayandeer ne na Sekaniya,

¹²xarɓaxay fo lengandeer ne na Eliyasib, xarɓaxay fo ƭikandeer ne na Yakim,

¹³xarɓaxay fo ndadkandeer ne na Huupa, xarɓaxay fo nahkandeer ne na Yesebab,

¹⁴xarɓaxay fo ƥetkandeer ne na Bilga, xarɓaxay fo ɓetuu fa lengandeer ne na Imer,

¹⁵xarɓaxay fo ɓetuu ƭikandeer ne na Hesir, xarɓaxay fo ɓetuu ndadkandeer ne na Hapises,

¹⁶xarɓaxay fo ɓetuu nahkandeer ne na Petahiya, qarɓeen ƭikandeer ne na Heseki’el,

¹⁷qarɓeen ƭik fo lengandeer ne na Yakin, qarɓeen ƭik fo ƭikandeer ne na Gamul,

¹⁸qarɓeen ƭik fo ndadkandeer ne na Delaya soo qarɓeen ƭik fo nahkandeer ne a yen na Maasiya.

¹⁹Neene mat a ngadnite o far den ndax da ndok kam Mbind ne no Yaal oxe ne ta dalniteena, a reefandel na Aaroon fee o taan den, ne o Yaal oxe Roog fee Isra’el a heblit’uuna o ten.

²⁰Weeke ndefu xa taan xa lakas axe Lewi: Na xa taan axe Amram a jega a Suba’el, soo na xa taan axe Suba’el ta jeg a Yehdeya.

²¹Na xa taan axe Rehabiya a jega a Isiya fee taaw.

²²Na xa taan axe Yisxar a jega a Selomit soo no we Selomit ta jeg a Yahat.

²³Xa ƥiy axe Hebron ndefu: Yeriya fee taaw, o ƭikandeer oxe a ref Amariya, o tadkandeer oxe a ref Yahasi’el soo o nahkandeer oxe a ref Yekamam.

²⁴Mika refu o ƥiy onqe Usi’el. Na xa taan axe Mika a jega a Samiir.

²⁵Na xa taan axe Isiya fee o ndeɓ Mika a jega a Sakari.

²⁶Xa ƥiy axe Merari ndefu: Maxli fa Muusi. O ƥiy onqe Yasiya refu Beno.

²⁷Xa taan axe Merari mbaqaqoorna no ƥeem Yasiya ndefu: Beno, Soham, Saakur fa Ibri.

²⁸Xa ƥiy axe Maxli ndefu Eleyasaar fee jegeerna o ƥiy o ngoor

²⁹fa Kiis fee rimna a Yerahmel.

³⁰Xa ƥiy axe Muusi ndefu: Maxli fa Edeer fa Yeremot. Weene ndefu xa taan axe Lewi, a reefandel no ƥasil den.

³¹Den itam a mbanjangane nen fog den we xa taan Aaroon mbaambir o maad Dawid fa Saadok fa Ahimelek fo yaal ƥasil ke no saasadax we fo ke no Leelewi we. Neene, ƥasil ne no xe moƴna o maak a ɗeete nen ƥasil ne no xe moƴna o neew.