Read NQAARIIT NE ROOG 1 Caloori ke 3 Bible Online

1 Caloori ke 3 - NQAARIIT NE ROOG bible

1 Caloori ke 3

¹Weeke ndefu xa ƥiy axe Dawid ndimteena Hebron. Taaw fee ten refu Amnon fee ta jeg’ina fa Ahinowam fee gen’ina Yisre’el, o ƭikandeer oxe a ref Dañel[15] fee ta jeg’ina fa Abigayil fee gen’ina Karmel,

²o tadkandeer oxe a ref Absalom fee ta jeg’ina fa Maaka fee o ƥiy Talmay fee o maad Gesuur, o nahkandeer oxe a ref Adoñaa fee ta jeg’ina fa Hagit,

³o ƥetkandeer oxe a ref Sefatiya fee ta jeg’ina fa Abitaal, o ɓetuu fa lengandeer oxe a ref Yitre’aam fee ta jeg’ina fa Egla fee o teem itam.

⁴Xa ƥiy ɓetaa fo leng axeene a ndimte Hebron na xa kiid ɓetaa ƭaq fa genwal axe Dawid a maadooxna maaga. A maadooxa kam Yeerusaleem xa kiid qarɓeen tadik fo xa kiid xa tadaq.

⁵A jeg’a maaga itam xa ƥiy. A rima fa Batseeba[16] fee o ƥiy o ndew Ami’el xa ƥiy xa nahaq, da ndef: Simeya, Sobab, Natan fa Salomo.

⁶A jeg’ahina xa ƥiy ɓetaa nahaq xa lakas, da ndef: Ibhar, Elisuwa[17], Elpelet,

⁷Nooga, Nefeg, Yafiya,

⁸Elisama, Elyada fa Elifelet.

⁹Waasna xa ƥiy xa koor axeene, Dawid a jeg’ahina fo keƈ-a-salma ke ten xa ƥiy xa koor xa lakas. A jeg’a itam o ƥiy o ndew o ne’e Tamaar.

¹⁰Salomo rimu a Rehabewam, Rehabewam a rim a Abiyam, Abiyam a rim a Aasa, Aasa a rim a Yosafat,

¹¹Yosafat a rim a Yehoram, Yehoram a rim a Ahasiya, Ahasiya a rim a Yowaas,

¹²Yowaas a rim a Amatsiya, Amatsiya a rim a Asariya, Asariya a rim a Yotaam,

¹³Yotaam a rim a Ahas, Ahas a rim a Hiskiya, Hiskiya a rim a Manaase,

¹⁴Manaase a rim a Amon, soo Amon a rim a Yosiya.

¹⁵Weeke ndefu xa ƥiy axe Yosiya: Taaw fee refu Yohanan, o ƭikandeer oxe a ref Yoyakim, o tadkandeer oxe a ref Sedekiya, soo o nahkandeer oxe a ref Saalum.

¹⁶Yoyakim rimu a Yoyakin[18] fa Sedekiya.

¹⁷Xa ƥiy axe Yoyakin fee ɓis’eena Babilon took o hup doole ndefu: Se’alti’el,

¹⁸Malkiram, Pedaya, Senasaar, Yekamiya, Hosama fa Nedabiya.

¹⁹Xa ƥiy axe Pedaya ndefu: Serubabel fa Simey. Serubabel a jeg’a xa ƥiy xa koor xa ƭaq, da ndef Mesulam fa Hananiya, a jeg itam o ƥiy o ndew o leng, ta ref Selomit.

²⁰A jeg’ahina xa ƥiy xa ƥetaq, da ndef: Hasuba, Ohel, Berekiya, Hasadiya fa Yusab-Hesed.

²¹Xa ƥiy axe Hananiya ndefu: Pelatiya fa Yesaya. Yesaya rimu a Refaya, Refaya a rim a Arnan, Arnan a rim a Abjaas, soo Abjaas a rim a Sekaniya.

²²Sekaniya a jeg’a o ƥiy o leng, ta ref Semaya, Semaya a jeg a Hatus, Igal, Bariya, Ne’ariya fa Safat, da ndef fop oo fop ɓetaa fo leng.

²³Ne’ariya a jeg’a xa ƥiy xa tadaq, da ndef: Eliyohenay, Hiskiya fa Asrikam.

²⁴Eliyohenay a jeg’a xa ƥiy ɓetaa ƭaq, da ndef: Hodawiya, Eliyasib, Pelaya, Akub, Yohanan, Delaya fa Anani.