Read NQAARIIT NE ROOG 1 Caloori ke 4 Bible Online

1 Caloori ke 4 - NQAARIIT NE ROOG bible

1 Caloori ke 4

¹Weeke na xa taan axe Yudaa a mbogu: Peres, Hesron, Karmi, Xuur fa Sobal.

²Re’aya fee o ƥiy Sobal rimu a Yahat, soo Yahat a rim a Ahumay fa Lahaad. Den ndefu daan we na qaw ake no Soosora we.

³Weeke ndefu xa ƥiy axe Xuur fee sinjna a Eetam: Yisre’el, Yisma fa Yidbas, o cigeen den a ref Haselelponi,

⁴cinj kaaga Penu’el fee sinjna a Gedoor, soo Eseer fee sinjna a Husa. Weene ndefu xa ƥiy axe Xuur fee refna taaw Efrata too a sinj a Betleheem.

⁵Asehuur fee sinjna teeru fee Tekowa a jeg’a rew ɗik, da ndef Heleya fa Naara.

⁶Naara a rima fo ten a Ahusam, Hefeer, Temeni fa Ahastari. Weene ndefu xa ƥiy axe Naara a rimanuuna.

⁷Heleya a rimanaan a Seret, Soxar, Etnan fa Koos.

⁸Koos rimu a Anub fa Sobeba, soo a qaw ake ngatna na Aharehel fee o ƥiy Haarum a mbaqaqoor no ten itam.

⁹Yabes kaa reeƭu o koor oxaa moƴeena niw maag we ten. Ya um kaa ne’’un Yabes, yaam ne ta ɗom’eena lool, ye ta ñootan[19].

¹⁰Yabes a ƴufginooxa a Roog fee Isra’el ee: «Ngela barke’aam, ɗaay o saawit es, saytooxaam fo o ɓay of too guutatirandaam fo taamaala fo coono!» Roog a ci’aan ke ta xeɗ’ina.

¹¹Kelub fee o maag Suuha rimu a Mehiir, Mehiir a rim a Eseton,

¹²Eseton a rim a Bet-Rafa, Paseya fa Tehina fee sinjna teeru fee Naahas. Xa taan den Reka a ngen’u.

¹³Xa ƥiy axe Kenaas ndefu Otni’el fa Seraya, xa ƥiy axe Otni’el a ndef Hatat fa Me’onotay.

¹⁴Me’onotay rimu a Ofra. Seraya rimu a Yowab fee sinjna a yulanq ale no waane’u we xoyoogeena neene, yaam waane’u ɓor ngen’u maaga.

¹⁵Xa ƥiy axe Kaleb fee o ƥiy Yefune ndefu: Iiru, Eela fa Naam. Eela rimu a Kenaas.

¹⁶Xa ƥiy axe Yehalelel ndefu: Siif, Siifa, Tirya fa Asarel.

¹⁷Xa ƥiy axe Esdaraas ndefu: Yeter, Mered, Efer fa Yalon. Weeke ndefu xa ƥiy axe Bitya fee Mered a giligna, too ta ref o ƥiy Firawon fee: Miryam, Samay fa Yisbax fee sinjna a Estemowa.

¹⁸O teem oxe fogna na carind ale Yudaa a rimanaan a Yered fee sinjna a Gedoor, Heber fee sinjna a Sooko, fa Yekucel fee sinjna a Sanowa.

¹⁹Hodiya a gilga o cigeen Naham. Xa ƥiy axe ten ndefu: Daliya[20] fee o taan no Gaagarmi we, too a sinj a Keyla, fo Maamaaka we ngen’ina Estemowa.

²⁰Xa ƥiy axe Simon ndefu: Amnon, Riina, Ben-Hanan fa Tiloon. Xa taan axe Yisey ndefu Sohet fo xa ƥeem.

²¹Xa taan axe Seelax fee o ƥiy Yudaa ndefu: Eer fee sinjna a Leka, fa Lada fee sinjna a Maresa, fo itam a qaw ake no we na ndiwaa coor ke kam Bet-Asbeya.

²²Seelax refu itam o taan no Yooyokim we fo no we ngenna Koseba, a ref itam o taan Yowaas fa Saraf we maadooxoogna took Mowaab fo took Yasubi-Leheem. Keene koy, yaaga a reeƭu.

²³Maamax qaw a ndeeƭu, a ngen Netayim fa Gedera paam o maad oxe soo a njalanan.

²⁴Xa ƥiy axe Simewon ndefu: Nemu’el, Yamin, Yarib, Serax fa Sawul.[21]

²⁵Sawul rimu a Saalum, Saalum a rim a Mibsam, Mibsam a rim a Misma,

²⁶Misma a rim a Hamuwel, Hamuwel a rim a Saakur, soo Saakur a rim a Simey.

²⁷Simey a jeg’a xa ƥiy xa koor xarɓaxay fo xa ƥiy xa koor ɓetaa fo leng fo xa ƥiy xa tew ɓetaa fo leng. Kaa koy, fog faap um njeg’ee xa ƥiy xa koor xa mayu. Ten taxu a carind ale Simewon waag’ee fodir fo ale Yudaa.

²⁸A ngenooga Beer-Seeba, Molada, Hacar-Suwaal,

²⁹Bilha, Esem, Tolad,

³⁰Betwel, Horma, Siklag,

³¹Bet-Markabot, Hacar-Susim, Bet-Biri fa Sarayiim. Keene ndeeƭu teeru ke den boo ye fo maat ne Dawid.

³²A ngenooga itam teeru ƥetik lakas, da ndef: Eetam, Ayin, Rimon, Token fa Asan

³³fo caate ke teeru keene a mbaxooxna fop boo Baalat. Keene ndefu kenand ke den fo daan we den.

³⁴Weeke ndefu yaal a qaw ake na carind ale Simewon: Mesobab, Yamlek, Yoosa fee o ƥiy Amatsiya,

³⁵Yowel, Yehu fee o ƥiy Yosibiya, too Yosibiya a ref o ƥiy Seraya, Seraya a ref o ƥiy Asi’el,

³⁶Eliyohenay, Yakooba, Yesohaya, Asaya, Adi’el, Yesimi’el, Benaya,

³⁷Siisa fee o ƥiy Sif’ii, too Sif’ii a ref o ƥiy Alon, Alon a ref o ƥiy Yedaya, Yedaya a ref o ƥiy Simri, Simri a ref o ƥiy Semaya.

³⁸We limeena mene yaal a qaw a ndeeƭu, too ƥasil ke den a siw’ata lool.

³⁹A nqaya boo no ndokand naa Geraar[22] no batand naa na yulanq alaa, ndax da mbaaƭ maa da ngayaa a ked ake den.

⁴⁰A nga’a maaga xa kayand xa paax xa neepu, saax yaaju, a yaaɗoox too a ɓuuɓ. We ngenoogna teen yaaga na xa taan axe Xaam a mbog’u.

⁴¹Na jamaane Hiskiya fee o maad Yudaa, yaal a qaw ake limeena mene a mbadiida no jegel oleene soo a yaq ƭiif ke fo kenand ke na xa taan axe Xaam soo a saŋik xeet faa fop boo a moocandin. Cinj kaaga, a ndala maaga, yaam ne ta jeg’ina maa a ked ake den a mbaageena o ngayaa.

⁴²Goor teemeed ƥetik waa mbogna na carind ale Simewon a ndeta no jegel olaa na xa coong axe Seyiir, too Pelatiya, Ne’ariya, Refaya fa Usi’el we xa ƥiy Yisey a adooxan’u a den.

⁴³A mbara onqe maad’ina o ñoowaa no Aa-amalek we ƈuf’ina maaga. A ndala na seek den, too xa taan den owaay maaga boo no ñaal roog ne xaye.