Read NQAARIIT NE ROOG 1 Caloori ke 7 Bible Online

1 Caloori ke 7 - NQAARIIT NE ROOG bible

1 Caloori ke 7

¹Isakaar a jeg’a xa ƥiy xa nahaq da ndef: Toola fa Puu’a fa Yasub fa Simron.

²Xa ƥiy axe Toola ndefu: Usi, Refaya, Yeri’el, Yahmay, Yibsam fa Semu’el. Weene yaal ƥasil waa mbaqaqoorna na Toola a ndeeƭu, a ndef a salma-koor no ƥasil den. Na jamaane Dawid, xa taan axe Toola a ndeeƭa cuni qarɓeen ƭik fo cuni ƭik fo teemeed ɓetuu fa leng.

³Usi a jeg’a o ƥiy ta ne’el Israhiya. Israhiya a jeg’a xa ƥiy da ndef: Mika’el, Abjaas, Yowel fa Isiya, ɓetuk weene fop koy yaal ƥasil a ndeeƭu.

⁴Ƥasil ke den kaa njeg’u rew mayu fo xa ƥiy xa koor xa mayu, ten taxu a mbar’a o cooxit goor cuni qarɓeen tadik fo cuni ɓetuu fa leng waa mbaagna o ndet na xire.

⁵Lakas we mbogna na qaw ake Isakaar fop, a ndef a salma-koor too a mbindel, a ndeeƭa goor cuni qarɓeen ɓetuu tadik fo goor cuni ɓetuu ƭik.

⁶Bensame a jeg’a xa ƥiy xa tadaq da ndef: Bela, Beker fa Yeja’el.

⁷Bela a jeg’a xa ƥiy xa ƥetaq da ndef: Esbon, Usi, Usi’el, Yerimot fa Iri. Den fop a salma-koor akaa ndefna yaal ƥasil a ndeeƭu. ƥasil keene fop a ndeeƭa goor cuni qarɓeen ƭik fo goor cuni ƭik fo goor qarɓeen tadik fo goor nahuk waa mbindeena.

⁸Xa ƥiy axe Beker ndefu: Semira, Yowaas, Eliyeseer, Eliyohenay, Omri, Yeremot, Abiya, Anatot fa Alemet.

⁹Den fop yaal ƥasil a ndeeƭu. ƥasil keene a mbind’e, a ndef fop oo fop goor cuni qarɓeen ƭik fo goor teemeed ƭik waa ndefna a salma-koor.

¹⁰Yeja’el a jeg’a o ƥiy ta ne’el Bilhan. Bilhan a jeg’a xa ƥiy da ndef: Yewus, Bensame, Ehud, Kenaana, Setan, Tarsis fa Ahisahar.

¹¹Weene fop xa taan Yeja’el a ndeeƭu, a ndef a salma-koor fo yaal ƥasil. ƥasil ke den a mbi’a goor cuni xarɓaxay fo goor cuni ɓetuu ƭik fo goor teemeed ƭik waa mbaagna o ndet na xire.

¹²Supiim fa Hupiim xa ƥiy Iir a ndeeƭu. Husiim a ref o ƥiy Aheer.

¹³Xa ƥiy axe Neftali ndefu: Yahsi’el, Guni, Yeceer fa Saalum. Den fop xa taan Bilha a ndefu.

¹⁴Xa ƥiy axe Manaase ndefu: Asri’el fa Makiir, ta rim’ina fo ngeƈ-a-salma ne ten refna o Aa-araam. Makiir reeƭu faap Galaad.

¹⁵Makiir a waaƭana a Hupiim o tew, a waaƭan itam a Supiim. A jeg’a koy o cigeen o ne’e Maaka, a jeg o ƥiy o lakas o ne’e Selofad fee jeg’ina xa ƥiy xa tew soom.

¹⁶O tew Makiir ne’’ahineena Maaka a ñoota o ƥiy o ngoor, a ne’in Peres, cinj kaaga a ñoota o lakas a ne’in Seres. Seres refu faap Ulam fa Rexem,

¹⁷soo Ulam a ref faap Bedan. Weene ndefu xa taan axe Galaad fee o ƥiy Makiir too a ref itam o ndaan Manaase.

¹⁸Hamoleket fee o cigeen Galaad rimu a Isod, Abiyeseer fa Maxla.

¹⁹Xa ƥiy axe Semida ndefu: Ahiyan, Sikeem, Likhi fa Aniyam.

²⁰Xa taan tigi xe Efrayim ndefu: Efrayim rimu a Sutela, Sutela a rim a Bered, Bered a rim a Tahat, Tahat a rim a Elada, Elada a rim a Tahat,

²¹Sabad fa Sutela. Eseer fa Elad, ɗik na xa ƥiy axe Efrayim a njeema ndax da njang xa siir no wiin we ngenna Gaat, ndaa weene a mbara a den.

²²Efrayim fee faap den a ñaawooxa a den boo miñu soo fog we ten a ngar a yaalin.

²³Taa mbaambir Efrayim a ɓaata o yoon fo o teem, ta fud a ñoot o ƥiy o ngoor soo ta ne’in Beriya[26] yaam mbind um kaa reeƭu na naqad.

²⁴Efrayim a jeg’a o ƥiy o ndew itam o ne’e Seera, ten max’u a Bet-Horon fee a lanq fa Bet-Horon fee took fa Usen-Seera.

²⁵Xa taan tigi xe Beriya ndefu: Beriya rimu a Refa, Refa a rim a Resef, Resef a rim a Teela, Teela a rim a Tahan,

²⁶Tahan a rim a Ladan, Ladan a rim a Amihud, Amihud a rim a Elisama,

²⁷Elisama a rim a Nun, Nun a rim a Yosuwe.

²⁸O fiisel ole Ee-efrayim we a ndaaw’ina ndax da ngen teen a jeg’a a Betel fo caate ke ta waxooxna, fa Naaran no batand boo Geseer no mudand fo itam o jegel ole refna ndeer Sikeem fa Aya fo caate ke da mbaxooxna.

²⁹Xa taan axe Manaase njeg’u teeru fee Bet-Se’aan, fee Tanak, fee Megido, fee Door fo caate ke da mbaxooxna. Keene ndefu teeru ke xa taan axe Yoseef fee o ƥiy Isra’el a ngen’ina.

³⁰Xa ƥiy axe Aseer ndefu: Yimna, Yiswa, Yiswi fa Beriya, o cigeen den a ref Sera.

³¹Xa ƥiy axe Beriya ndefu: Heber fa Malki’el. Malki’el refu faap Birsayit.

³²Heber refu faap Yaflet, Someer, Hotam fo o cigeen den Suwa.

³³Xa ƥiy axe Yaflet ndefu: Pasak, Bimhal fa Aswat. Weene ndefu xa ƥiy axe Yaflet.

³⁴Xa ƥiy axe Semeer ndefu: Ahi, Roga, Yehuba fa Araam.

³⁵Xa ƥiy axe Helem fee o ndeɓ um ndefu: Sofa, Yimna, Seles fa Amal.

³⁶Xa ƥiy axe Sofa ndefu: Suwa, Harnefer, Suwal, Beri, Imra,

³⁷Beseer, Hod, Sama, Silsa, Yitran fa Be’era.

³⁸Xa ƥiy axe Yeter ndefu: Yefune, Pispa fa Ara.

³⁹Xa ƥiy axe Ula ndefu: Arax, Hani’el fa Risiya.

⁴⁰Weene fop xa taan Aseer a ndefu, a ndef yaal ƥasil cegu a kon, a ndef itam a salma-koor fo kelfa. Ye da mbindeena a ndeeƭa fop oo fop goor cuni qarɓeen ƭik fo goor cuni ɓetuu fa leng waa mbaagna o ndet na xire.