Read NQAARIIT NE ROOG 1 Caloori ke 9 Bible Online

1 Caloori ke 9 - NQAARIIT NE ROOG bible

1 Caloori ke 9

¹Ii-isra’el we fop a mbinde no «Safe le no maad we Isra’el», a reefandel no ƥasil den. Yuuyudaa we kaa ƥis’el Babilon took o hup doole yaam ngore’aƭar den na Roog.

²We eetna o nomtooxiid no teeru den ndax da ngenatin a den, a njangatin tig oo tig ke da njeg’ina ndefu Ii-isra’el we njeg’eerna ndod, cinj kaaga saasadax we fo Leelewi we fo we na topatooxaa Mbind Roog ne.

³Waa mbogna na Yudaa fo na Bensame fo na Efrayim fo na Manaase a ngara a ndal Yeerusaleem.

⁴Ndeer Yuuyuda we a jeg’a a Utay fee o ƥiy Amihud, Amihud a ref o ƥiy Omri, Omri a ref o ƥiy Imri, Imri a ref o ƥiy Bani fee o ndaan Peres.

⁵Na qaw ale Silo a jeg’a a Asaya fee reeƭna taaw no ƥasil um, ten fo xa ƥeem.

⁶Na qaw ale Serax a jeg’a a Ye’uwel. Yuuyudaa we ndal’ina Yeerusaleem a ndeeƭa teemeed ɓetuu fa leng fo qarɓeen ɓetuu nahik.

⁷Na carind ale Bensame a jeg’a a Salu fee o ƥiy Mesulam, a ref itam o ndaan Hodawiya fo o ndanaraat Hasenuwa,

⁸Ibneya fee o ƥiy Yeroham, Eela fee o ƥiy Usi too a ref o ndaan Mikri, Mesulam fee o ƥiy Sefatiya, a ref o ndaan Rewel fo o ndanaraat Ibniya.

⁹Goor weene fop yaal ƥasil a ndeeƭu. Beebensame we ndal’ina Yeerusaleem a ndeeƭa teemeed ɓetuu nahik fo qarɓeen ƥetik fo ɓetuu fa leng.

¹⁰No saasadax we a jeg’a a Yedaya, Yoyarib, Yakin

¹¹fa Asariya too daan um tigi a ndef Hilkiya, Mesulam, Saadok, Merayot fa Ahituub fee adooxan’ina Mbind Roog ne.

¹²A jeg’a itam a Adaya too daan um a ndef Yeroham fa Pasehuur fa Malkiya. A jeg’ahina a Masay too daan um a ndef Adi’el, Yasera, Mesulam, Mesilemit fa Imer.

¹³A jeg’a saasadax lakas, yaal ƥasil keene a ndeeƭa juni fo teemeed ɓetuu ƭik fo qarɓeen ɓetuu fa leng. Den fop a ndeeƭa a salma-koor akaa na topatooxaa calel ke no Mbind Roog ne.

¹⁴No Leelewi we a jeg’a a Semaya too daan um tigi a ndef: Hasub, Asrikam fa Hasabiya fee na qaw ale Merari.

¹⁵A jeg’ahina a Bakbakar, Herees, Galal fa Mataniya too daan um a ndef Miika, Sikiri fa Asaf.

¹⁶A jeg’a itam a Abjaas too daan um a ndef Semaya, Galal fa Yedutun, a jeg a Berekiya fee o ƥiy Aasa too a ref o ndaan Elkana fee gen’ina na teeru fee fog’ina no fiisel ole Netofa.

¹⁷No yeeyetax we na xa ton-maax axe a jeg’a a Saalum fee adooxan’uuna fo fog um weeke: Akub, Talmon fa Ahiman.

¹⁸Weene ndefu xa taan axe maadna o ndefaa xaye no don-maax ole no batand, refna ref o don-maax ole no maad oxe. Xa taan den ndefu yeeyetax we na xa ton-maax axe no saŋe ne no Leelewi we.

¹⁹Saalum fee o ƥiy Koore too a ref o ndaan Ebiyasaf fo o ndanaraat Koora fo itam lakas we no ƥasil ne Koora, yetooxoogu ndokand ne no Ƭiif ne o Yaal oxe a xetteel ne daan den a mbi’tooguuna kam saŋe ne no Yaal oxe.

²⁰Finees fee o ƥiy Eleyasaar eet’u o ref o aa-adax den yaam o Yaal oxe a reeƭa fo ten.

²¹Sakari fee o ƥiy Meselemiya a fog’a itam no yeeyetax we no don-maax ole no Ƭiif ne o Yaal oxe a xetteel.

²²We njil’eena fop oo fop a yetooxaa peg ke na xa ton-maax axe a ndeeƭa teemeed ƭik fo xarɓaxay fo ɗik too a mbind’e a reefandel no caate den. Dawid fo o ƭeet Sami’el ndalin’u a den no calel keene.

²³Den fo xa taan den yetooxoogu xa ton-maax axe fo Mbind ne no Yaal oxe, refna ref Ƭiif ne o Yaal oxe a xetteel.

²⁴A jeg’a yeeyetax na xa ton-maax xa nahaq axe: No batand, no mudand, no ɓemb-roog o janoon fo no ɓemb-roog o ñamaak.

²⁵Fog den we ngen’ina no caate ke den a mbar’a o ngaraa leek-leek me den, a nqaajir fa den calel keene boo ñaal ɓetuu ƭik.

²⁶Aa-adax nahuk Leelewi weene yetooxoogna xa ton-maax axe kili, yetooxoogahinu tok ke fo a kamba ke no Mbind Roog ne.

²⁷Me widna Mbind Roog ne a mbe’oogu yaam a yetooxaa too a mbar’a o mbetaa begax ke nqes nuu refna.

²⁸Leng-leng no Leelewi we yetooxoogu xa ƥaxañ xa paɗoor axe too kaa limoogu a den yaa da mbadnaa fo yaa da sutaa a den.

²⁹Leng we kaa ngadin’el a yetax ale no ƥaxañ ke no mbiñ o tedu nqe fo mbiɗel ke fa biiñ fee fa diwliin fee fa cuuraay fee fo qeeñe-xeeñe ke.

³⁰Kaa koy, xa ƥiy axe no saasadax we mbi’oogu qeeñe-xeeñe keene.

³¹Matitiya fee o leng no Leelewi we too a ref taaw Saalum na qaw ale Koora gadoox’u xa kaf axe njuɗeena.

³²Leng-leng no fog den Keekehat we mbi’oogu xa kaf puuru xe ƥoxotoogeena a Roog na bes a ñootnax fuu refna.

³³Leelewi yaal ƥasil we ndeeƭna giigim a njeg’a tok den kam Mbind Roog ne too saq’ee calel lakas yaam kaa njaloogu ñaal fo o yeng.

³⁴Weene ndefu Leelewi yaal ƥasil we fo ne da ndeepatiritna. Yeerusaleem a ngen’u.

³⁵Ye’iyel sinju a Gibe’on too na teeru feene a gen’u, ten fo o teem Maaka.

³⁶Abdon refu taaw um, xa ƥeem xa lakas axe a ndef: Sur, Kiis, Baal, Neer, Nadab,

³⁷Gedoor, Ahyo, Sakari fa Miklot.

³⁸Miklot rimu a Sime’am. Weene koy mbi’ee nen ƥasil den ndaa Yeerusaleem a ngen’u, den fo lakas waa da mbogitna a qaw.

³⁹Neer rimu a Kiis, Kiis a rim a Sawul soo Sawul a rim a Yoonatan fa Malkisuwa fa Abinadab fa Isbaal.

⁴⁰Meribaal refu o ƥiy onqe Yoonatan soo a rim a Mika.

⁴¹Xa ƥiy axe Mika ndefu: Piton fa Melek fa Tahre’a.

⁴²Ahas rimu a Yara, Yara a rim a Alemet fa Asmawet fa Simri, Simri a rim a Moosa,

⁴³Moosa a rim a Bineya, Bineya a rim a Refaya, Refaya a rim a Eleyasa soo Eleyasa a rim a Asel.

⁴⁴Asel a jeg’a xa ƥiy ɓetaa fo leng da ndef: Asrikam, Bokru, Isma’el, Se’ariya, Abjaas fa Hanan.