Read NQAARIIT NE ROOG Nehemi 11 Bible Online

Nehemi 11 - NQAARIIT NE ROOG bible

Nehemi 11

¹Kelfa ke na xeet fee a ndala Yeerusaleem. Lakas we fop a mbanjanga, ndax da ngeniid Yeerusaleem, teeru fa tedu fee, o koor o leng na xarɓaxay wuu ndefna, soo ɓetuu nahuk we yoqna a ndalik no teeru lakas ke.

²Xeet fee a niwa fop we ngenaniidna a qoox den Yeerusaleem.

³Weeke ndefu kelfa ke no jegel ole Yudaa ngenoogna Yeerusaleem. Kam teeru lakas ke Yudaa itam, Ii-isra’el we a ngenooga teen, oxuu refna na teeru um fo na ƭing um. A ndeer den a jeg’a saasadax fo Leelewi fo diidimle no Mbind Roog ne fo xa taan no dag we Salomo.

⁴Goor na carind ale Yudaa fo na le Bensame a ngenooga Yeerusaleem. Na carind ale Yudaa a jeg’a: Ataya fee o ƥiy Usiya, daan um a ndefna Sakari, Amariya, Sefatiya fa Mahalaleel, mbogna na qaw ale Peres,

⁵fa Maseya fee o ƥiy Baruk, daan um a ndefna Kol-Hose, fa Hasaya, Adaya, Yoyarib, Sakari fa Siloni.

⁶Xa taan axe Peres ngen’ina Yeerusaleem a ndeeƭa fop oo fop goor teemeed nahik fo goor qarɓeen ɓetuu fa leng fo goor ɓetuu daduk waa ndefna xa pes ñaƭ.

⁷Na carind ale Bensame a jeg’a: Salu fee o ƥiy Mesulam, daan um a ndefna Yowed, Pedaya, Kolaya, Maseya, Iti’el fa Yesaya,

⁸too a jeg’ahina a Gabay fa Salay, ta fi fop oo fop goor teemeed ɓetuu nahuk fo goor qarɓeen ƭik fo goor ɓetuu daduk.

⁹Yowel fee o ƥiy Sikiri gadoox’u a den, soo Yehuda fee o ƥiy Hasenuwa a ref buumi fee na teeru fee.

¹⁰No saasadax we a jeg’a: Yedaya fee o ƥiy Yoyarib, Yakin

¹¹fa Seraya fee o ƥiy Hilkiya, daan um a ndefna Mesulam, Saadok, Merayot fa Ahituub fee kelfa no Mbind Roog ne.

¹²Fog den we njaloogna no Mbind Roog ne a ndeeƭa fop oo fop teemeed ɓetuu tadik fo qarɓeen ƭik fo ɗik. A jeg’ahina a Adaya fee o ƥiy Yeroham, daan um a ndefna Pelaliya, Amsi, Sakari, Pasehuur fa Malkiya,

¹³fo fog um we ndeeƭna yaal ƥasil teemeed ƭik fo qarɓeen nahik fo ɗik. A jeg’a itam a Amasay fee o ƥiy Asarel, daan um a ndefna Ahsay, Mesilemot fa Imer,

¹⁴fo fog um we ndeeƭna xir say teemeed fo qarɓeen ƭik fo ɓetuu daduk. Sabdi’el fee o ƥiy Hagedolim gadoox’u a den.

¹⁵No Leelewi we a jeg’a: Semaya fee o ƥiy Hasub, daan um a ndefna Asrikam, Hasabiya fa Buni.

¹⁶Sabetay fa Yosabad we mbogna no aa-adax Leelewi we saq’u calel ke no maax ole no Mbind Roog ne.

¹⁷A jeg’ahina a Mataniya fee o ƥiy Miika, daan um a ndefna Sabdi fa Asaf. Ten ɗoxoogu a kim a niwir ake yaa fo a qeƭ ale. A jeg’a itam a Bakbukiya fee o teefax um fa Abda fee o ƥiy Samuwa, daan um a ndefna Galal fa Yedutun.

¹⁸Leelewi we fop a ndeeƭa teemeed ƭik fo qarɓeen ɓetuu tadik fo nahuk kam teeru fa tedu fee.

¹⁹No we na yetooxaa xa ton-maax axe no Mbind Roog ne a jeg’a: Akub fa Talmon fo fog den, ndeeƭna teemeed fo qarɓeen ɓetuu ƭik fo ɗik.

²⁰Ii-isra’el lakas we, saasadax fo Leelewi a ndal’a kam teeru ke Yudaa fop, oxuu refna no mbaafaap um.

²¹Diidimle we no Mbind Roog ne a ngenooga na ƥak ale na xoyeel Ofeel kam Yeerusaleem. Siha fa Gispa adooxan’u a den.

²²O aa-adax oxe no Leelewi we Yeerusaleem reeƭu Usi fee o ƥiy Bani, daan um a ndefna Hasabiya, Mataniya fa Miika. Kaa fog’u na xa taan axe Asaf ndeeƭna giigim we na paɗax ale no Mbind Roog ne.

²³Giigim we koy a ndalnan’e bargal no maad naa jaginna no calel den ñaal oo ñaal.

²⁴Petahiya fee o ƥiy Mesesabel, na xa taan axe Serax fee o ƥiy Yudaa, geenooxanoogu o maad oxe Persi no fop ke jofna na xeet fee.

²⁵Lakas waa mbogna na carind ale Yudaa a ngenooga na koƥ ale den, kam caate keeke: Kiryat-Arba fo ke widuuna, Diibon fo ke widuuna, Yekabseel fo caate ke ta waxooxna,

²⁶Yesuwa, Molada, Beet-Pelet,

²⁷Hacar-Suwaal, Beer-Seeba fo ke widuuna,

²⁸Siklag, Mekona fo ke widuuna,

²⁹En-Rimon, Sora, Yarmut,

³⁰Sanowa, Adulaam fo caate ke da mbaxooxna, Lakiis fo a koƥ ale ten, Aseka fo ke widuuna. A ndala boog no ke xotitna Beer-Seeba, no ɓemb-roog o ñamaak, boo na yulanq alaa Hinom, no ɓemb-roog o janoon.

³¹We mbogna na carind ale Bensame a ngenooga Geba, Mikmas, Aya, Betel fo ke widuuna,

³²Anatot, Noob, Ananiya,

³³Hasoor, Rama, Gitayim,

³⁴Hadid, Seboyiim, Nebalat,

³⁵Lood, Ono fo na yulanq ale no waane’u we.

³⁶A yaj a leng-leng no Leelewi we Yudaa a njangooxa maa no Beebensame we.