Read NQAARIIT NE ROOG Esteer 10 Bible Online

Esteer 10 - NQAARIIT NE ROOG bible

Esteer 10

¹O maad Asuwerus a sera saax le fop a bateer, ke xotitna no jeejeeri we boo no maamaag we.

²Ne a pi a maak ake fo njambaar ne no maad oxe a mbodeena fo ne ta yoɗitna a Mordokay fop a mbinde no «Safe le no caloori ke no maad we Medi fa Persi».

³A refangeerna o maad Asuwerus, jeg’ee kam maat ne oxaa hupna a Mordokay, o Yaawuur oxe. Yaawuur we fog um a niw’aan lool too a mbexin, yaam kaa waaƭoogu kaa faaxna na xeet um, soo a layanaa fog um kaa na jootinkaa a den o feet.