Read NQAARIIT NE ROOG Yob 26 Bible Online

Yob 26 - NQAARIIT NE ROOG bible

Yob 26

¹Maaga, Yob a laya yee:

²Cey, dimle’aa koy o cegee doole, gis o keesu xe!

³Cey, asaa koy oxe jegeerna o and, aqatin o jeg-yiif tigi!

⁴Ndi an axnong fa lay feene? An na de’ang ke o layaa?

⁵We nqaadna jaaniif owe sendaa yoora poofi ke ɗuga lanq ke fo ke genna teen.

⁶Jaaniif kaa naag fuc ee ƭuc mbaambir Roog, too o sayoom sax singiran gamb le na saŋkax ale.

⁷Ten letnu asamaan fee took tus, lanq ke, ta diƈ a den took dara.

⁸Kaa soɗaa poofi ke kam a eel ake, too kuu da meɗna meɗ fop oo, taxkee da mbuɗid.

⁹Kaa singaa uum-maamaad le ten, a xot eel, a letnin took um.

¹⁰Kaa fiis a keeriit took juwaam fee, ta wid lanq ke, maa a qoolaand ale a suptoortaa o yeng.

¹¹A xasooxangaa, a toodook ake na asamaan kaa sendaa, soo a njaaxiɗ.

¹²Roog a riimnita juwaam fee katil um, a salaxit a Niŋki-naŋka fee na xoyeel Rahab o jeg-yiif um.

¹³Kaa leelit ñoot um a asamaan fee bo ta xool, o ɓay um a war mbangool ne na xuyaa.

¹⁴Keene koy, ke moƴna neew na pi um doŋ oo, too onqe i andna teen, kaa i ñu’el o ten. An waagu o and o yaajel katil um?