Read NQAARIIT NE ROOG A kim a tedu ke 100 Bible Online

A kim a tedu ke 100 - NQAARIIT NE ROOG bible

A kim a tedu ke 100

¹A kim a tedu a kidmir oo. Nuun adna fa muum, soroxole’anyo o Yaal oxe.

²Mbaɗooxyo o Yaal oxe fo o ɗaay, ngar mbaambir um fo o mbelakinax.

³Andyo yee o Yaal oxe refu Roog. O ten saku a in, i ndefanin. In ndefu xeet um, o siir ole ta gayaa.

⁴Ndokiidyo na xa ton-maax axe ten, yoonandtin o ngidim, no maax ole no Mbind um fo a simat. Tagaseenoo, simat gon um,

⁵yaam o Yaal oxe a faaxa. O mbeq um xan a maadaa boo faw, too ngor um xan a ref no suk boo no suk.