Read NQAARIIT NE ROOG A kim a tedu ke 109 Bible Online

A kim a tedu ke 109 - NQAARIIT NE ROOG bible

A kim a tedu ke 109

¹O yaal a ƭat ale no jeejeek we a xoolne yee a kim a tedu lene kaa fog na ke Dawid. Wo Roog fee um simataa, ba o dam njaambuur of,

²yaam kaam wetanel o don kañaan, o don o naanaxir, um layeel ɗelem maamaaɓ.

³Xa ƭelem mbañir kaa mbidaam o saax oo saax, um jambeel kaa o leng a andeerna.

⁴Ke fexuuma a den fop oo, kaa njambaxam, ndaa yaqanee um ref no xeɗaa doŋ.

⁵Kaa ndabditaxam a pi a paax es paaxeer, mbañir a ref ndabid o mbeq es fa den.

⁶Kaa da layanaxam ee:[47] «Fat a fokatel fo o soxodu, o caajamb a fodin na ñamaak.

⁷Fat a ɓurel, yaa ta hate’keel, a qeƭ um a ɗeetel nen a pi a pariƴ.

⁸Fat a pe um a mbañoox, o lakas a rondandin.

⁹Fat xa ƥeem a ñakat a faap, o teem a refat o ñaaw.

¹⁰Fat xa ƥeem a njoqooyooxataa, a sadaxnooxaa, a ƥarook maa goƭna mbind den ne fesna a pec.

¹¹Fat o taarawnit a doon o ɓay no ke ta jegna fop, genar a mbuf jale um.

¹²Ba o leng a lalatin o mbeq, a yirim xa ƥiy axe ta xaƴna.

¹³Fat xa taan um a moocandel, gon um a ñuf no suk ne na garaa.

¹⁴Fat o Yaal oxe a wetandoox tooñ ke no paap ke ten, too bakaad ya um baa fortel muk.

¹⁵Fat o Yaal oxe a wetandooxaa a den kili soo a ñuf a kon den no lanq ke.»

¹⁶Oxene koy, yiif um galagee o lalit o mbeq. A ñagadila o ñaatu xe fo o ndool onqe, a warnoor oxe xeeñ um a naqadilooxna.

¹⁷Feek a salax rek fel’un, a salax a yena took um. Feek barke jem’iran, a xañe o ten.

¹⁸Feek kaa rokoox a salax ale nen sabadoor um, a roka kam ee kam um nen foofi, a niinaa kam xa kiiƈ um nen diwliin,

¹⁹a ref no ten nen pay naa ta muurooxaa, o qap ole ta ŋaƭooxaa cay.»

²⁰Neene deŋ o Yaal oxe a rabditkaa we na njambaxam, a layanaxam paaxeer ƥor.

²¹Wo o Yaal oxe na refkaa boo faw, fartaam yaam gon of, muclaam, yaam o mbeq of kaa magin.

²²Kaam ñaat soo rool. Kam ee kam es, xeeñ es kaa daawel.

²³Kaam sooƴkaa nen yook kirand, yirfel nen soƈ.

²⁴Kuɓay es kaa sendaa yaam o ñak o ñaam, cer es a ŋeesoox boo a mbag tak.

²⁵Kaam refat benel den, owaa nga’axam, a njiiƭaxam.

²⁶O Yaal oxe Roog es, ƴufgaam, muclaam yaam o mbeq of.

²⁷Fat da and ee o ɓay of oo, a njaɓ ee wo o Yaal oxe, wo fi’u keene.

²⁸A mbugoo saloox, ndaa wo o mat kaa o barke’aa. A mbuga yoo inooxanaam, ndaa xan a sed, mi fee o tag of o mat, um ref no ɗaay.

²⁹We na njambaxam xan a neewandel, gaci a muur a den nen pay.

³⁰Kaam gidmaa o Yaal oxe o don es took, ɓoxotan o ndam a ndeer faan le,

³¹yaam kaa fod o ndool onqe na ñamaak, ndax ta muclin no we na sertaa a bar um.