Read NQAARIIT NE ROOG A kim a tedu ke 110 Bible Online

A kim a tedu ke 110 - NQAARIIT NE ROOG bible

A kim a tedu ke 110

¹A kim a tedu laa fogna na ke Dawid oo. O Yaal oxe a laya o Yaal es ee: «Moofi na ñamaak es, boo yaa fi’uuma fañ we wo me o dakaa.»

²O Yaal oxe xan a letnit Siyoŋ o samb ole no katil of, o maadoox a ndeer no fañ of.

³Wo ngelwaar a helu naa rimee took xa coong xa tedu xe, o sutoor no mbuyukuun ne nen liim, ye rimoonga.[48]

⁴O Yaal oxe a daaɓooxaan too nomtooxkee teen a cinj ee: «Xan o ref o saasadax boo faw ne ta ɗaapit’eena na Melkisedek.»

⁵O Yaal oxe xey na ñamaak of. Xan a duguñ maad we, yaa ta fuuxkaa,

⁶a hate a saax ake, xa tal ee gañ, ta duguñ kelfa fee no saax yaaju.

⁷Na ƭat ale, o maad oxe kaa yeraa na ƈufnand ale. Ten taxu o cok um oley took.