Read NQAARIIT NE ROOG A kim a tedu ke 111 Bible Online

A kim a tedu ke 111 - NQAARIIT NE ROOG bible

A kim a tedu ke 111

¹Haleluyaa! Kaam gidmaa o Yaal oxe fo xeeñ es fop a ndeer no jofu we fo no mbokatax ne.

²A pi ake no Yaal oxe kaa magin lool, we mbexna a den kaa ƥaalaa a den.

³O ndam fo o niwel a ngela a pi um, too o cofel um xan a ref boo faw.

⁴A buga com’andtu ke ten a mbetandooxeel. O Yaal oxe kaa jeg yirmande, a yaaj kam.

⁵Kaa ci’aa we saɗaruuna ñaamel, a wetandooxaa ngiɓoor um boo faw.

⁶A lala xeet um katil fee na pi um, ye ta ɓoxotuuna lanq ke no qeet lakas ke.

⁷Kaa gore too a jof na pi um fop, bargal um fop a ndeye o ngooloox.

⁸Mbaagkaand o sañit boo muk, yaam kaa ndalnitel ndigil fo o cofel.

⁹A watiida xeet um, a dalin ngiɓoor um boo faw. Gon um kaa ted soo a saɗarnoox.

¹⁰O and no saɗar o Yaal oxe a eettaa, fop we njeguuna a njega yiif. A simat no Yaal oxe xan a ref boo faw.