Read NQAARIIT NE ROOG A kim a tedu ke 112 Bible Online

A kim a tedu ke 112 - NQAARIIT NE ROOG bible

A kim a tedu ke 112

¹Haleluyaa! Ndaw o ɗaay no xe saɗarna o Yaal oxe too a fex kebil um.

²O kurcala um xan a jeg doole no lanq ke, xa taan no wiin jofu we a mbarke’el.

³Paax fo kalal ngenu no mbind um, too o cofel um kaa ref boo kili.

⁴A qoolaand kaa meleƈanaa jofu we kam o niɓaan ole. Kaa jeg yirmande, a yaaj kam soo a jof.

⁵Ndaw o ɗaay no xe na yirmaa, a ɓandtaa, a ñaaƴnaa fop um na ƭat.

⁶Oxeene kiin sendkee muk. O cofu xe xan a wetandooxeel boo kili.

⁷Saɗaree o nan o feleer, xeeñ um a woor, ta hooloox o Yaal oxe.

⁸O laaw um sendkee, too saɗaree dara, ta pafat o yidaa fañ um we maafeena.

⁹Kaa mos kam, a ci’aa rool we, too o cofel um xan a maadaa boo faw. O cok um ole took kam o ndam onqe.

¹⁰O soxodu xe a seede’aan soo a fuux. Kaa ƴaxrandaa a ñiiñ, a sooyaa. A yuxum no soxodu we kaa kasaara’ooxaa.